టెక్నాలజీలో మంత్రి అశ్విని ప్రతిభావంతమైన వ్యక్తి
Minister Ashwini is a talented person in technology
నా తెలంగాణ, న్యూ ఢిల్లీ: టెక్నాలజీ, ఏఐ రంగంలో అభివృద్ధికి కృషి చేస్తున్న సమాచార, ప్రసార శాఖ మంత్రి అశ్విని వైష్ణవ్ అత్యంత ప్రతిభావంతమైన వ్యక్తులలో ఒకరిగా నిలిచారు. టైమ్ మ్యాగజైన్ లో ఆయనకు చోటు లభించింది. మంత్రిత్వ శాఖ ఆదివారం ఈ విషయాన్ని వెల్లడించింది. ఆయన నాయకత్వంలో రానున్న ఐదేళ్లలో భారత్ సెమీకండక్టర్ల తయారీలో తొలి ఐదు దేశాలలో ఒకటిగా అవతరించాలనే ఆశతో ఉందని తెలిపింది. భారత్ అనేక రంగాల్లో ఇప్పటికే ఏఐ సాంకేతికత పనులు ప్రారంభమై విస్తృతమయ్యాయని తెలిపింది. ఇందుకోసం ప్రత్యేక వర్క్ ఫోర్స్ ను కూడా విద్యావ్యవస్థ ద్వారా అభివృద్ధికి నాందీ పలికిందని తెలిపింది.
మంత్రి తరువాత ఈ జాబితాలో మరికొందరి పేర్లను టైమ్ మ్యాగజైన్ పేర్కొంది. ఇందులో గుగూల్ సీఈవో సుందర్ పిచాయ్, మైక్రోసాఫ్ట్ సీఈవో సత్య నాదెళ్ల, ఓపెన్ ఏఐ సీఈవో సామ్ ఆల్ట్ మన్, మెటా సీఈవో మార్క్ జుకర్ బర్గ్, ఇన్ఫోసిస్ సహ వ్యవస్థాపకుడు నందన్ నీలేకనిలు ఏఐ సాంకేతిక వృద్ధికి గణనీయమైన కృషి చేస్తున్నారని తెలిపింది.
