మెడికో హత్య.. తల్లిదండ్రులకు తప్పుడు సమాచారం
Medico murder.. False information to parents
కోల్ కతా: కోల్ కతా మెడికో హత్య కేసులో రోజుకో సంచలన విషయం వెలుగులోకి వస్తుంది. ఆసుపత్రి నుంచి మూడుసార్లు విద్యార్థిని తల్లిదండ్రులకు కాల్ చేశారన్న విషయం సీబీఐ విచారణలో బయటికి వచ్చింది. మూడుసార్లు కూడా విద్యార్థిని పరిస్థితి ఆందోళనకరంగా ఉందని, ఆత్మహత్య చేసుకుందని త్వరగా రావాలని తెలిపారు. ఆసుపత్రి సూపరింటెండెంట్ మాట్లాడుతున్నట్లు తెలిపారు. విద్యార్థిని తల్లిదండ్రులు ఎన్నిసార్లుఏమైందని స్పష్టంగా చెప్పాలని వేడుకున్నా అవతలి వ్యక్తులు విషయాన్ని చెప్పకుండా దాచిపెట్టినట్లు స్పష్టం అవుతోంది. మరోవైపు నిందితుడు సంజయ్ రాయ్ తన నేరాన్ని సీబీఐ ముందు ఒప్పుకున్నాడు. మాజీ ప్రిన్సిపాల్ సందీప్ ఘోష్ తీరుపైనే పలు అనుమానాలున్నట్లు సీబీఐ చెబుతోంది. ఆ మరుసటి రోజే విద్యార్థిని తల్లిదండ్రులు తమ బిడ్డది ఆత్మహత్య కాదని, హత్య అని ఆరోపించారు. ఆందోళనకు దిగారు. అయినా కాలేజీ ప్రిన్సిపాల్ సందీప్ ఘోష్ మీడియా ముందు కూడా విద్యార్థినిది ఆత్మహత్యే అని ప్రకటించారు.
