తిరంగ ర్యాలీ హత్య కేసులో దోషులకు జీవిత ఖైదు

లక్నో: కాస్​ గంజ్​ తిరంగ యాత్ర ర్యాలీ హత్య కేసులో 28 మంది దోషులకు ఎన్​ ఐఎ కోర్టు జీవిత ఖైదు విధించింది. శుక్రవారం ఈ కేసులో శిక్షలను ఖరారు చేసింది. గురువారమే 28మందిని దోషులుగా ఖరారు చేసి శిక్షను విధిస్తున్నట్లు కోర్టు తెలిపింది. అయితే శిక్షను ఖరారు చేయలేదు. చందన్​ గుప్తా హత్య జరిగి ఆరేళ్ల 11 నెలల ఏడు రోజులు గడిచింది. 2018 జనవరి 26న గుప్తా హత్య జరిగింది. న్యాయం కోసం చందన్​ గుప్తా కుటుంబం సుదీర్ఘంగానే పోరాడింది. దోషులకు శిక్ష ఖరారు చేయడంతో కాస్​ గంజ్​ లో మరోమారు పోలీసులు హై అలర్ట్​ లో ఉన్నారు. 144 సెక్షన్​ ను ప్రకటించారు. అలాగే గుప్తా ఇంటి వద్ద తల్లిదండ్రులకు కూడా భద్రత కల్పించారు. కోర్టు ఆవరణ, వెలుపల కూడా భారీ భద్రతను ఏర్పాటు చేశారు. చార్జీషీటులో 30మందిని నిందితులుగా ఎన్​ ఐఎ పోలీసులు చార్జీషీటు దాఖలు చేశారు. కాగా ఇద్దరికి వ్యతిరేకంగా సాక్ష్యాలు లభించినందున కోర్టు వారిని నిర్దోషులుగా విడుదల చేసింది. హత్యకు కారణమైన వారిపై ఎన్​ ఐఎ ఐపీసీ సెక్షన్‌ 147, 148, 307/149, 302/149, 341, 336, 504, 506 కేసులు నమోదు చేసింది.