ప్రతీకార దాడులకు ఇజ్రాయెల్​ సిద్ధం

న్యూఢిల్లీ: ఇరాన్​ దాడులపై ఇజ్రాయెల్ ప్రతీకార దాడులు నిర్వహించనున్నట్లు తెలుస్తోంది. బుధవారం ఇజ్రాయెల్​ ప్రధాని నెతన్యాహు అత్యవసర కేబినెట్​ ను సమావేశ పరిచి పలు విషయాలను చర్చించారు. మంగళవారం కూడా కేబినెట్​ సమావేశం కొనసాగినప్పటికీ పలువురి మధ్య ఏకాభిప్రాయం కుదరలేదు. దీంతో నేడు కూడా భేటీ నిర్వహించారు. ఈ భేటీలో ఏకాభిప్రాయం కుదిరినట్లు తెలుస్తోంది. మరీ అది ఇరాన్​ పై దాడికి సంబంధించా? లేదా శాంతియుతంగా సమస్యను పరిష్కరించుకునేందుకా? అన్నది వెల్లడికాలేదు. మరోవైపు  ఇజ్రయెల్​ భారీ దాడికి దిగబోతున్నట్లు బ్రిటిష్​ విదేశాంగ మంత్రి డేవిడ్​ కామెరూన్​ అన్నారు. ఇరుదేశాలను సంయమనం పాటించాలని కోరారు. 

ఇప్పటికే ప్రపంచవ్యాప్తంగా ఓ వైపు రష్యా–ఉక్రెయిన్​, ఇజ్రాయెల్​–గాజాల మధ్య యుద్ధంలో తీవ్ర నష్టం వాటిల్లుతోంది. ఒకవేళ ఇజ్రాయెల్​ మరో తప్పిదాన్ని పునరావృతం చేస్తే అది ఘోర తప్పిదమే అవుతుందనే అభిప్రాయాలు వ్యక్తం అవుతున్నాయి. 

ఇంకోవైపు మరోమారు ప్రతీకార దాడులకు దిగుతామని ఇరాన్​ అధ్యక్షుడు ఇబ్రహీం రైసీ హెచ్చరించారు. దీంతో ఇరుదేశాల్లో మరింత ఉద్రిక్తతలకు కారణం అవుతోంది.