రెండేళ్లపాటు స్థిరంగా భారత్​ వృద్ధి

నా తెలంగాణ, న్యూ ఢిల్లీ: మరో రెండేళ్లపాటు భారత్​ వృద్ధి స్థిరంగా కొనసాగుతుందని ఓఈసీడీ (ఆర్గనైజేషన్​ ఫర్​ ఎకనామిక్​ కో–ఆపరేషన్​ అండ్​ డెవలప్​ మెంట్​) శుక్రవారం విడుదల చేసిన నివేదికలో వెల్లడించింది. భారత్​ తోపాటు, యునైటెడ్ స్టేట్స్, బ్రెజిల్, ఇండోనేషియా,  యునైటెడ్ కింగ్‌డమ్‌ వంటి జీ–20 సభ్య దేశాల్లో ఆర్థిక వృద్ధి స్థిరంగా ఉంటుందని పేర్కొంది. భారత్​–ఇండోనేషియా వంటి అభివృద్ధి చెందుతున్న ఆర్థిక వ్యవస్థలలో ఈ రెండు దేశాలు కొనసాగుతాయని తెలిపింది. 2024–25లో 6.7 శాతం, 2025–26లో 6.8 శాతం జీడీపీ పెరుగుదల నమోదవుతుందని తెలిపింది. 

అదే సమయంలో చైనా ప్రభుత్వ బాండ్​ ల జారీ ద్వారా ఆర్థిక వృద్ధికి ఊతం లభించినా అక్కడి రియల్​ వంటి కొన్ని రంగాలు తిరోగమన దిశలో ఉన్నందున 4.9 శాతంగా జీడీపీ నమోదయ్యే అవకాశం ఉందని తెలిపింది.