క్షిపణుల భాండాగారంగా భారత్ 

ఐఎన్ఎస్ అరిఘాత్ నుంచి విజయవంతంగా పరీక్షించిన ఈ ప్రయోగం అణు జలాంతర్గామి నౌకాదళాన్ని విస్తరించి ఆధునీకరించనున్నది. దానిని జలాంతర్గామి ప్లాట్ ఫారం నుంచి గత కొన్నేళ్లలో కనీసం ఐదుసార్లు పరీక్షించారు. వ్యూహాత్మక రక్షణ సామర్థ్యాలను బలోపేతం చేసుకోవడానికి భారత్ చేస్తున్న ప్రయత్నాల్లో భాగంగా ఈ పరిణామం చోటు చేసుకున్నది. గత కొన్నేళ్లుగా మన దేశం వివిధ పరిధుల్లో క్షిపణులను పరీక్షిస్తున్నది. పది రోజుల కిందట ఒడిశా తీరంలో సుదూర హైపర్ సోనిక్ క్షిపణిని భారత్ విజయవంతంగా పరీక్షించింది.

భూ ఆధారిత ఖండాంతర బాలిస్టిక్ క్షిపణులు (ఐసీబీఎంలు), జలాంతర్గామి నుంచి ప్రయోగించే బాలిస్టిక్ క్షిపణులు (ఎస్ఎల్బీఎంలు), అణుబాంబుల క్షిపణులతో వ్యూహాత్మక బాంబర్లతో కూడిన త్రిముఖ సైనిక దళ నిర్మాణాన్ని న్యూక్లియర్ ట్రయాడ్ (అణ్వస్త్ర త్రయం) అంటారు. నాలుగు దేశాలైన అమెరికా, రష్యా, భారత్, చైనాలు మాత్రమే అణ్వస్త్ర త్రయం కలిగి ఉన్నాయి. అణుబాంబులు లేదా అణ్వాయుధ క్రూయిజ్ క్షిపణులను కలిగి ఉన్న విమానాలు, భూమి లేదా సముద్ర లక్ష్యాలపై ఉపయోగించే వాటిని బాంబర్ ఎయిర్ క్రాఫ్ట్లుఅని  ద్రవ లేదా ఘన ఇంధన రాకెట్లతో నడిచే డెలివరీ వాహనాలు ప్రధానంగా బాలిస్టిక్ మార్గంలో ప్రయాణించే వాటిని భూ ఆధారిత క్షిపణులని, నౌకలు లేదా జలాంతర్గాముల నుంచి ప్రయోగించే అణు క్షిపణులను బాలిస్టిక్ క్షిపణి జలాంతర్గాములని అంటారు. ఈ త్రయం ఒక దేశం భూమి లేదా సముద్రం నుంచి వాయుమార్గం ద్వారా అణు దాడి చేయడానికి వీలు కల్పిస్తుంది.