9 జిల్లాలు, 3 డివిజన్లు రద్దు

జైపూర్​: రాష్ట్ర ప్రయోజనాల దృష్ట్యా రాజస్థాన్​ కేబినెట్​ సమావేశంలో 9 జిల్లాలను రద్దు చేయాలని నిర్ణయించారు. సీఎం భజన్​ లాల్​ అధ్యక్షతన శనివారం రాజస్థాన్​ మంత్రివర్గ భేటీలో నిర్ణయించారు. గెహ్లాట్​ ప్రభుత్వంలో 17 కొత్త జిల్లాలు, మూడు కొత్త డివిజన్లను ప్రకటించారు. ప్రవర్తనా నియమావళికి ముందు కొత్త జిల్లాలు, డివిజన్ల ఏర్పాటు సరైంది కాదని సీఎం భజన్​ లాల్​ శర్మ ప్రభుత్వం భావించి కేబినెట్​ లో రద్దు నిర్ణయాన్ని తీసుకుంది. ప్రస్తుతం రాజస్థాన్​ లో 41 జిల్లాలు, ఏడు డివిజన్లు ఉన్నాయి. దీంతోపాటు ఆహార భద్రత పథకంలో లబ్ధిదారులను చేర్చాలని నిర్ణయించారు. సీఈటీ (కామన్​ ఎలిజిబిలిటీ టెస్ట్​) పరీక్ష మార్కులపై కూడా నిర్ణయం తీసుకున్నారు. కాగా జిల్లాల రద్దు నిర్ణయం రాజకీయ వర్గాల్లో హాట్​ టాపిక్​ గా మారింది. జూలై 1న ప్రభుత్వం కమిటీని ఏర్పాటు చేసి నూతన జిల్లాలు, డివిజన్​ అంశాలపై సమీక్షించి నివేదిక సమర్పించాలని కోరింది.