ఇస్కాన్​ 17 అకౌంట్లు ఫ్రీజ్​

ఇస్కాన్​ పై నిషేధం.. కోర్టు నిరాకరణ
కొత్త కుట్రలకు తెరతీసిన ప్రభుత్వం
లావాదేవీల వివరాలు అందించాలన్న బీఎఫ్​ ఐయూ

ఢాకా: బంగ్లాదేశ్​ లోని ఇస్కాన్​ కు చెందిన 17మంది బ్యాంక్​ అకౌంట్లను నెలరోజులపాటు బీఎఫ్ ఐయూ స్తంభింపచేసింది.  చిన్మోయ్​ కృష్ణదాస్​ అరెస్ట్​ అనంతరం కోర్టులో జరిగిన వాద ప్రతివాదాల సందర్భంగా ఇస్కాన్​ పై నిషేధం విధించేందుకు కోర్టు నిరాకరించింది. దీంతో బంగ్లా ప్రభుత్వం ఇస్కాన్​ ను ఉగ్రసంస్థగా ప్రకటించి నిషేధం విధించాలన్న కుట్రలకు తెరతీసింది. అందులో భాగంగానే ఇస్కాన్​ కు చెందిన 17 మంది అకౌంట్లను ఫ్​రీజ్​ చేసింది. వీటిలో చిన్మోయ్​ దాస్​ అకౌంట్​ కూడా ఉంది. బంగ్లాదేశ్ ఫైనాన్షియల్ ఇంటెలిజెన్స్ యూనిట్ (బీఎఫ్​ఐయూ) అకౌంట్లకు సంబంధించిన లావాదేవీలను వెంటనే నిలుపుదల చేయాలని ఆదేశించింది. ఈ 17 మందికి చెందిన లావాదేవీల నిర్వహణ స్టేట్​ మెంట్లను మూడు రోజుల్లోగా అందజేయాలని బీఎఫ్​ ఐయూ బ్యాంకులు, ఆర్థిక సంస్థలకు ఆదేశించింది. ఓ వైపు బంగ్లాలో హిందువులపై జరుగుతున్న దాడులపై  ప్రపంచ దృష్టిని మరల్చేందుకే ఇస్కాన్​ పై ఉగ్ర ముద్ర మేయాలని బంగ్లా దేశ్​ ప్రభుత్వం తీవ్ర తర్జనభర్జనలు పడుతోంది. చిన్నతప్పిదాన్ని కూడా అద్దంలో చూపి ఇస్కాన్​ ను నిషేధించాలని భావిస్తోంది. ఈ నేపథ్యంలోనే భారత వ్యతిరేక చర్యలకు దిగుతోంది. మరోవైపు బంగ్లాదేశ్​ లో హిందువులు, మైనార్టీలపై జరుగుతున్న దాడులను పలు ప్రపంచదేశాలు ఇప్పటికే ఖండించాయి. వెంటనే మైనార్టీల రక్షణకు చర్యలు తీసుకోవాలని అమెరికా విదేశాంగ శాఖ బంగ్లాదేశ్​ ను కోరింది.