చిన్మోయ్ విడుదలపై మోదీకి ఇస్కాన్‌ విజ్ఞప్తి

హిందూ నిరసనకారులపై జమాత్​ ఉగ్రమూకల దాడులు
50మందికి పైగా గాయాలు
హిందువులపై కక్ష్యసాధింపు చర్యలకు దిగుతున్న బంగ్లా ప్రభుత్వం

ఢాకా: బంగ్లాదేశ్ లోని ఇస్కాన్​ సెక్రెటరీ చిన్మోయ్​ దాస్​ అరెస్టుపై హిందువులు భారీ ఎత్తున నిరసనలు చేపట్టారు. మంగళవారం చేపట్టిన ఈ నిరసనల్లో తీవ్ర ఉద్రిక్త పరిస్థితులు నెలకొన్నాయి. నిరసన వ్యక్తం చేస్తున్న హిందువులపై జమాత్​ కు చెందిన ఉగ్రమూకలు భారీ దాడులకు పాల్పడ్డాయి. ఈ దాడుల్లో 50మందికి పైగా హిందువులకు గాయాలయ్యాయి. చిన్మోయ్​ దాస్​ అరెస్టుపై ఇస్కాన్​ సంస్థ ప్రధాని నరేంద్రమోదీ, విదేశాంగ శాఖ మంత్రి ఎస్​. జయశంకర్​ ను సహాయం కోరారు. ఆయన్ను అరెస్టు చేసిన విషయాన్ని కూడా కనీసం భారత్​ కు సమాచారం అందించలేదు. బంగ్లాదేశ్​ కక్ష్యసాధింపు చర్యలకు దిగుతుందని స్పష్టంగా అర్థమవుతుంది. తాత్కాలిక యూనస్​ ప్రభుత్వం పూర్తి ఆర్థిక బంధనాల్లో చిక్కుకుపోవడం, భారత్​ సహాయం లభించకపోవడం, మరోవైపు ఉగ్రభావజాలం ఉన్న నాయకుల సహకారంతో ప్రభుత్వం ఏర్పడడం తదితర పరిణామాలన్నీంటితో హిందువులపై దాడులకు పాల్పడుతుంది. ఇలాంటి దుందుడుకు చర్యలతో బంగ్లాదేశ్​ తన కంట్లో తానే వేలు పొడుచుకుంటోందని పలువురు పేర్కొంటున్నారు. ఇప్పటికే భారత్​ తో పెట్టుకున్న అనేక దేశాలు అడుక్కుతినే పరిస్థితుల్లో ఉన్నాయన్న సంగతిని బంగ్లాదేశ్​ మరిచినట్లుంది.