ఐఎస్​ఐఎస్​ ఉగ్రవాది అరెస్ట్​

నా తెలంగాణ, న్యూ ఢిల్లీ: స్వాతంత్ర్య వేడుకల్లో అలజడి సృష్టించాలనుకున్న ఐఎస్​ఐఎస్​ మాడ్యూల్​ కు చెందిన మోస్ట్​ వాంటెడ్​ టెర్రరిస్ట్​ రిజ్వాన్​ ను ఢిల్లీ పోలీసులు అరెస్టు చేశారు. అరెస్టుకు సంబంధించి శుక్రవారం మీడియాకు వివరాలు వెల్లడించారు. అరెస్ట్ చేసిన ఉగ్రవాది ఢిల్లీలోని దర్వాగంజ్​ నివాసి అన్నారు. ఐఎస్​ఐఎస్​ తరఫున పూణె మాడ్యూల్​ కు నాయకుడుగా వ్యవహరిస్తున్నారని తెలిపారు. 2023లోనే ఇతన్ని అరెస్టు చేసినా కస్టడీ నుంచి తప్పించుకున్నాడని తెలిపారు. ఇతనిపై రూ. 3 లక్షల రివార్డు కూడా ఉందన్నారు. ఇతని నుంచి ఆయుధాలను కూడా స్వాధీనం చేసుకున్నామని తెలిపారు. ఎన్​ ఐఎ హిట్​ లిస్ట్​ లో రిజ్వాన్​ ఉన్నాడని పోలీసులు తెలిపారు.

గురువారం రాత్రి ఎన్​ ఐఎకి ఇతనిని గురించిన పక్కా సమాచారం అందిందని ఢిల్లీ పోలీసులు తెలిపారు. వెంటనే అప్రమత్తమై ఢిల్లీలోని బయోడైవర్సిటీ పార్క్​ సమీపంలోని గంగా బక్ష్​ మార్గ్​ లో అరెస్టు చేశామని, ఇతని వద్ద నుంచి 3 కాట్రిడ్జ్​ లతో కూడిన ఒక 30 బోర్​ స్టార్​ పిస్టల్​, రెండు మొబైల్​ ఫోన్​ లను స్వాధీనం చేసుకున్నట్లు తెలిపారు.