హౌతీ స్థావరాలపై ఐడీఎఫ్​ దాడులు

సనా/జెరూసలెం: గాజా తరువాత ఐడీఎఫ్​ (ఇజ్రాయెల్​ డిఫెన్స్​ ఫోర్స్​) యెమెన్​ లోని హౌతీ స్థావరాలను లక్ష్యంగా చేసుకొని భారీ దాడులను కొనసాగిస్తోంది. యెమెన్​ లోని వీరి స్థావరాలపై బాంబుల వర్షం కురిపిస్తోంది. ఈ దాడుల్లో ముగ్గురు చనిపోగా వందమందికిపైగా తీవ్ర గాయాలయ్యాయి. పలు ఇంధన డిపోలపై బాంబులు పడడంతో పెద్ద యెత్తున మంటలు చెలరేగాయి. స్థానిక ప్రజలు తీవ్ర భయాందోళనలకు లోనయ్యారు. 

ఇటీవల విదేశాల నుంచి ఇజ్రాయెల్​ కు వస్తున్న వస్తు, ఆయుధ నౌకలపై హౌతీ సముద్రపు దొంగలు దాడులకు తెగబడుతున్నారు. ఉగ్రవాదులు ఇజ్రాయెల్​ కు ఎవ్వరూ సహాయం చేసినా వారి నౌకలపై దాడులు కొనసాగుతాయని హెచ్చరించారు. అదీగాక ఇటీవలే ఇజ్రాయెల్​ లోని టెల్​ అవీవ్​ పై ఏకకాలంలో రాకెట్​ దాడులకు పాల్పడ్డారు. 

ఈ నేపథ్యంలో ఇజ్రాయెల్​ పక్కా ప్రణాళిక ప్రకారం దాడులు నిర్వహించినట్లుగా ఐడీఎఫ్​ ప్రకటించింది. దాడులకు స్వయంగా ఇజ్రాయెల్​ ప్రధాని నెతన్యాహు బెంజమిన్​ వహించడం గమనార్హం. 

హౌతీ తిరుగుబాటుదారులు ఆక్రమించిన హోడెయిడా పోర్ట్ పై దాడులతో పోర్ట్​ లో చాలా భాగం ధ్వంసమైంది. 

దాడుల అనంతరం ఇజ్రాయెల్​ రక్షణ శాఖ మంత్రి ప్రకటన వెలుగులోకొచ్చింది. ఈ ప్రకటనలో మంత్రి యోవ్​ గాలంట్​ మాట్లాడుతూ.. ఇజ్రాయెలీల రక్తానికి బదులు తీర్చుకుంటామన్నారు. తమపై దాడులు చేసిన ఏ ఒక్కరిని వదలబోమని హెచ్చరించారు.