హిజ్బొల్లా ఆయుధ డిపోపై ఐడీఎఫ్ దాడి
వంద రాకెట్ లాంచర్లు ధ్వంసం ఇజ్రాయెలీలు అప్రమత్తంగా ఉండాలని హెచ్చరికలు జారీ
జేరూసలెం: పేజర్లు, వాకీటాకీల దాడులపై ప్రతీకారం తప్పదని, ఇజ్రాయెల్ పై భారీ దాడి చేస్తామని హిజ్బొల్లా చీఫ్ హసన్ నస్రుల్లా ప్రకటించిన 48 గంటల్లోపే ఇజ్రాయెల్ దక్షిణ లెబనాన్ లోని ఆ ఉగ్ర సంస్థకు చెందిన వందకు పైగా రాకెట్ లాంచర్లపై దాడి చేసింది. గురువారం అర్థరాత్రి జరిపిన ఈ దాడిలో వంద రాకెట్ లాంచర్లను ధ్వంసం చేశామని శుక్రవారం ఉదయం ఐడీఎఫ్ తెలిపింది. ఇందుకు సంబంధించిన వీడియోను కూడా విడుదల చేసంది. వెయ్యికి పైగా రాకెట్ బారెల్స్ కూడా ధ్వంసం అయ్యాయని ప్రకటించింది. దక్షిణ లెబనాన్ లోని హిజ్బొల్లా అతిపెద్ద ఆయుధ కర్మాగారంగా ఈ ప్రాంతం పేరు పొందింది. దీన్నే ఇజ్రాయెల్ ధ్వంసం చేసింది. మరోవైపు హిజ్బొల్లా హెచ్చరికల నేపథ్యంలో ప్రపంచంలో ఉన్న ఇజ్రాయెలీలు అప్రమత్తంగా ఉండాలని హెచ్చరికలు జారీ చేసింది. బహిరంగ ప్రదేశాల్లో ఒక్కచోట చేరవద్దని పేర్కొంది.
