దేశానికి పతకమే తన లక్ష్యం

పారిస్​: భారతదేశానికి విజయం అందించాలనేదే తన తపన అన్నారు. తాను గగన్​ నారంగ్​, మనుభాకర్​,క్రికెటర ధోనీలను స్ఫూరణగా తీసుకున్నానని చెప్పారు. భారత్​ కు ఒలింపిక్స్​ –2024 పురుషుల 50 మీటర్ల ఏయిర్​ రైఫిల్​ పోటీలో కాంస్యం సాధించిన స్వప్నిల్​ కుసాలే విజయం అనంతరం మాట్లాడారు.

ఎంతోమాట్లాడాలని ఉన్నా మాట్లాడలేకపోతున్నానని తెలిపారు. తన విజయంలో తనకు సహకరించిన వారందరికీ ధన్యవాదాలు తెలిపారు. తన మనసులో దేశ ప్రతిష్ఠను పెంచాలనే కోరిక మాత్రమే ఉండేదన్నారు. ఇప్పుడు అది సాధ్యపడిందని స్వప్నిల్​ తెలిపారు. 2012లో ఒలింపిక్స్​ లో గగన్​ నారంగ్​ రైఫిల్​ ఈవెంట్​ లో భారత్​ కు కాంస్య పతకం అందించడం తన మనసులో నిలిచిపోయిందన్నారు. ఆయనలాగే తాను కూడా రైఫిల్​ లో పతకాన్ని సాధించాలని నిర్ణయించుకున్నానని తెలిపారు. అన్నయ్య (గగన్​ నారంగ్​) తో చాలాయేళ్లు ఉన్నానని పేర్కొన్నారు. ఆయన నుంచి ప్రేరణ పొందానని తెలిపారు. ఈ సందర్భంగా ఆయన తనకు అనేక విషయాల్లో వ్యూహ, ప్రతివ్యూహలను వివరించారని తెలిపారు. గగన్ సహాయాన్ని, భారత ప్రజల ఆకాంక్షలను నెరవేర్చినందుకు తనకు గర్వంగా ఉందని స్వప్నిల్​ కుసాలే తెలిపారు.