నరసింహారెడ్డి కమిషన్​ రద్దుపై హైకోర్టుకు మాజీ సీఎం కేసీఆర్​

నా తెలంగాణ, హైదరాబాద్​: తెలంగాణ రాష్​ర్ట ప్రభుత్వం ఏర్పాటు చేసిన జస్టిస్​ నరసింహారెడ్డి కమిషన్​ ను రద్దు చేయాలని మాజీ సీఎం కేసీఆర్​ హైకోర్టును ఆశ్రయించారు. ఆయన మంగళవారం హైకోర్టులో రిట్​ పిటిషన్​ దాఖలు చేశారు. బీఆర్​ఎస్​ హయాంలో విద్యుత్​ కొనుగోలు ఒప్పందాలు, నూతన థర్మల్​ పవర్​ ప్లాంట్​ లో జరిగిన అవకతవకలపై కాంగ్రెస్​ రేవంత్​ రెడ్డి ప్రభుత్వం జస్టిస్​ నరసింహారెడ్డి అధ్యక్షతన కమిషన్​ ఏర్పాటు చేసిన విషయం తెలిసిందే.

ఈ కమిషన్​ న్యాయసూత్రాలకు విరుద్ధమని పిటిషన్​ లో పేర్కొన్నారు. నిబంధనల మేరకే కొనుగోళ్లు చేపట్టామన్నారు. ఇప్పటికే ఈ కమిషన్​ 25 మంది అధికారులను విచారించింది. కేసీఆర్​ కూడా ఈ కమిషన్​ ముందు హాజరై విద్యుత్​ కొనుగోళ్లపై పలు వివరాలను అందించాలని ఈ కమిషన్​ నోటీసులు జారీ చేసింది.