జమ్మూపై దృష్టేది

శ్రీనగర్​: ఓ వైపు ఎన్నికలు జరుగుతుండగా, మరోవైపు కూటమి పార్టీల మధ్య అసహనాలు వ్యక్తం అవుతున్నాయి. మరోవైపు ఎన్సీ పార్టీ నేత ఒమర్​ అబ్దుల్లా బుధవారం మీడియాతో మాట్లాడుతూ.. రాహుల్​ గాంధీ కశ్మీర్​ లో ప్రాధాన్యత తగ్గించి జమ్మూలో ప్రాధాన్యత పెంచాలన్నారు. కశ్మీర్​ లో కాంగ్రెస్​ ఏం చేయగలుగుతుందనేది ముఖ్యం కాదని, జమ్మూలో ఏం చేస్తుందనేదే ముఖ్యమన్నారు. దురదృష్టం కొద్దీ జమ్మూలో ఆశించిన స్థాయిలో కాంగ్రెస్​ ప్రచారం నిర్వహించడం లేదని విమర్శించారు. ఇంకా ఐదు రోజులు మాత్రమే మూడో విడత ఎన్నికలకు సమయం ఉందన్నారు. ఇప్పటికైనా రాహుల్​ గాంధీ ఇక్కడ ప్రచారం ముమ్మరం చేయాలని ఒమర్​ అబ్దుల్లా కోరారు. 

ఎన్సీ 51, కాంగ్రెస్​ 32 స్థానాల్లో కూటమిగా జతకట్టి పోటీ చేస్తున్నారు. మరో ఆరు స్థానాల్లో ఇరువురి మధ్య గట్టి పోటీ నెలకొంది.