బలూచ్ డుకీ గని కార్మికులపై ఉగ్ర కాల్పులు
Fierce firing on Baloch Duki miners
20మంది మైనర్ల మృతి, ఏడుగురికి తీవ్ర గాయాలు
చైనా–పాక్ సీపెక్ తో పెరుగుతున్న హింసాత్మక ఘటనలు
క్వెట్టా: పాక్ లోని నైరుతి ప్రాంతంలో ఉగ్రవాదులు(బీఎల్ ఏ–బలూచ్ లిబరేషన్ ఆర్మీ) శుక్రవారం భారీ దాడికి పాల్పడింది. డుకీ బొగ్గు గని సమీపంలోని కూలీల నివాసాలపై ఒక్కసారిగా విరుచుకుపడింది. ఉగ్ర కాల్పుల్లో 20 మంది మైనర్లు మృతి చెందగా, మరో ఏడుగురికి తీవ్ర గాయాలైనట్లు బలూచ్ ప్రావిన్స్ డుకీ పోలీసు ఉన్నతాధికారి హుమాయున్ కాన్ నాసిర్ తెలిపారు. గ్రెనేడ్లు, రాకెట్ లాంచర్లతో దాడికి పాల్పడ్డారని తెలిపారు. అనంతరం ఆ ప్రాంతాన్ని చుట్టుముట్టి విచక్షణా రహితంగా కాల్పులకు తెగబడ్డారన్నారు. ఈ దాడికి ఇంకా ఏ ఉగ్ర సంస్థ బాధ్యత వహించలేదని దాడిపై కేసు నమోదు చేసుకొని దర్యాప్తు చేపట్టామన్నారు.
ఇరాన్, ఆఫ్ఘాన్ సరిహద్దులో ఉన్న బలూచ్ లో చాలాకాలంగా హింసాత్మక తిరుగుబాటుకు కేంద్రంగా నిలుస్తోంది.
ముఖ్యంగా చైనా–పాక్ చేపట్టిన సీపెక్ ప్రాజెక్టుతో హింసాత్మక ఘటనలు మరిన్ని పెరిగాయి. బలూచ్ సంపదను విదేశాలకు దోచిపెట్టడమే గాక, పాక్ బాగుపడుతుందని, తమ ప్రాంత బాగోగులు ఏ మాత్రం పట్టించుకోవడం లేదని బీఎల్ ఏ ఆరోపిస్తూ దాడులకు తెగబడుతుంది.
