నకిలీ సారా 47కు పెరిగిన మృతుల సంఖ్య

చెన్నై: తమిళనాడు నకిలీ సారా కేసులో మృతుల సంఖ్య శుక్రవారం వరకు 47కు చేరింది. పలువురి పరిస్థితి ఇంకా విషమంగా ఉన్నట్లు అధికారులు వెల్లడించారు. ముగ్గురిని అరెస్టు చేసిన పోలీసులు వారిని కోర్టులో హాజరుపరచగా వారిని కోర్టు 15 రోజులపాటు జ్యూడీషియల్​ కస్టడీకి తరలించింది. కాగా అసెంబ్లీలో నకిలీ మద్యంపై తీవ్ర గందరగోళం చెలరేగింది. స్టాలిన్​ ప్రభుత్వాన్ని బీజేపీ ఉక్కిరిబిక్కిరి చేసింది. తమిళనాడు బీజేపీ అధ్యక్షుడు అన్నామలై ఈ వ్యవహారంపై సీబీఐ విచారణ చేపట్టాలని కేంద్ర హోంశాఖ మంత్రి అమిత్​ షాకు లేఖ రాశారు.