మద్యం కుంభకోణం మాజీ ఐఏఎస్ అనిల్ అరెస్ట్
చత్తీస్ గఢ్ మద్యం కుంభకోణం కేసులో మాజీ ఐఏఎస్ అనిల్ తుతేజాను ఈడీ ఆదివారం అరెస్టు చేసింది.
రాయ్ పూర్: చత్తీస్ గఢ్ మద్యం కుంభకోణం కేసులో మాజీ ఐఏఎస్ అనిల్ తుతేజాను ఈడీ ఆదివారం అరెస్టు చేసింది. రూ. 2,161 కోట్ల కుంభకోణం ఆరోపణలపై ఈడీ అరెస్టు చేసింది.
కుంభకోణంపై గతంలోనే ఈడీ కేసు నమోదు చేసి విచారణ ప్రారంభించింది. మద్యం కుంభకోణంలో భారీ అవకతవకలు జరిగినట్లు గుర్తించింది. గతంలో అనిల్ విచారణకు సమన్లు కూడా జారీ చేసింది. విచారించింది. ఆదివారం కూడా ఆయన్ను విచారించేందుకు పిలిచి అరెస్టు చేసింది. విచారణ సందర్భంగా ఆయన కుమారుడు యశ్ కుడా రాగా అతన్ని ఈడీ పంపించివేసింది.
అనిల్ ను మేజిస్ట్రేట్ ముందు హాజరుపరిచే అవకాశం ఉంది. ఏడాది క్రితమే అనిల్ రిటైర్ అయ్యారు. ఆదాయయపు పన్ను శాఖ ఫిర్యాదు ఆధారంగా కూడా ఈయనపై విచారణ జరిగింది. ఈ కుంభకోణంలో మొత్తం 70 మంది ఉన్నట్లుగా ఈడీ పేర్కొంటోంది. ప్రతీ మద్యం సీసా నుంచి అదనంగా డబ్బులు కాంగ్రెస్ నాయకుడు ఐజాజ్ సోదరుడు అన్వర్ ధేబర్ కు వెళ్లేవని ఈడీ గుర్తించింది.
ఈడీ అరెస్టులపై చత్తీస్ గఢ్ సీఎం విష్ణుదేవ్ సాయ్ మాట్లాడుతూ ఈడీ స్వతంత్ర ప్రతిపత్తి కలిగిన సంస్థ అని పేర్కొన్నారు. ఎన్నికలతో ప్రభుత్వాలతో ఈడీకీ సంబంధం లేదన్నారు. అవినీతి ఎక్కడ జరిగినా ఈడీ స్వయంగా దర్యాప్తు చేసే అధికారాన్ని కలిగి ఉందని అన్నారు. ఈ కేసులో గతంలోనే పలువురిని ఈడీ అరెస్టు చేసింది.
