భారత్ కు 297 పురాతన వస్తువుల అప్పగింత
జో బైడెన్ కు మోదీ కృతజ్ఞతలు
వాషింగ్టన్: క్వాడ్ సదస్సులో పాల్గొన్న భారత ప్రధాని నరేంద్ర మోదీకి అమెరికా శుభవార్త చెప్పింది. భారత్ కు సంబంధించిన 297 అత్యంత పురాతన వస్తువులను అందజేస్తామని ఆదివారం ప్రకటించింది. 2023 ఇరుదేశాల ఒప్పందం ప్రకారం ఈ చర్యలు తీసుకుంది. డిపార్ట్‌మెంట్ బ్యూరో ఆఫ్ ఎడ్యుకేషనల్ అండ్ కల్చరల్ అఫైర్స్, సాంస్కృతిక మంత్రిత్వ శాఖ ఆధ్వర్యంలోని ఆర్కియాలజికల్ సర్వే ఆఫ్ ఇండియా, భారత ప్రభుత్వం జూలై 2024లో సాంస్కృతిక ఆస్తి ఒప్పందంపై సంతకం చేసింది. ఈ సందర్భంగా సాంస్కృతిక వారసత్వాన్ని రక్షించేందుకు ఇరుదేశాలు నిబద్ధతో పనిచేస్తున్నాయన్నాయని ఆయా శాఖల ఉన్నతాధికారులు తెలిపారు.
ఈ పురాతన వస్తువులన్నీ భారత్ నుంచి అక్రమ రవాణా, దొంగతనాల ద్వారా దేశం దాటాయి. వీటిని తిరిగి భారత్ కు తీసుకువచ్చేందుకు మోదీ ప్రభుత్వం చర్యలు తీసుకుంది. ఈ కళాఖండాలను ప్రధాని మోదీతో కలిసి ఆదివారం అమెరికా అధ్యక్షుడు జో బైడెన్ లు తిలకించారు. ఇవే భారత్ కు తిరిగి అప్పగించనుంది. వస్తువుల అప్పగింతపై జో బైడెన్ కు ప్రధాని నరేంద్ర మోదీ ధన్యవాదాలు తెలిపారు.
ఏయే వస్తువులున్నాయి?..
టెర్రకోట కళాఖండాలు, రాయి, లోహం, కలప, దంతాలతో తయారు చేసిన పురాతన ఉత్పత్తులు.
10-11వ శతాబ్దానికి చెందిన రాయితో రూపొందిన అప్సర శిల్పం.
15-16వ శతాబ్దానికి చెందిన కాంస్యంతో రూపొందించిన జైన తీర్థంకర్ శిల్పం.
3-4వ శతాబ్దానికి చెందిన తూర్పు టెర్రకోట వాసే శిల్పం.
1వ శతాబ్ధానికి చెందిన రాతి శిల్పం.
17-18వ శతాబ్దానికి చెందిన కంచుతో రూపొందించిన వినాయక విగ్రహం.
15-16వ శతాబ్దానికి చెందిన ఉన్న బుద్ధుడి విగ్రహం.
17-18వ శతాబ్దానికి చెందిన కంచుతో రూపొందించిన విష్ణువు విగ్రహం.
1800 సంవత్సరానికి చెందిన రాగితో రూపొందించిన ఆంత్రోపోమోర్ఫిక్ బొమ్మ.
17,18వ శతాబ్ధానికి చెందిన కాంస్యతో రూపొందించిన శ్రీకృష్ణుడి విగ్రహాలు.
13, -14వ శతాబ్దానికి చెందిన గ్రానైట్ తో రూపొందించిన కార్తికేయుడి విగ్రహం.
2016లో ప్రధానమంత్రి నరేంద్ర మోదీ అమెరికా పర్యటన సందర్భంగా 10 పురాతన వస్తువులను తీసుకురాగలిగారు. 2021లో 157 వస్తువులు, 2024 జూన్ లో 105 పురాతన విగ్రహాలు, వస్తువులను తీసుకురాగలిగారు. దీంతో భారత చరిత్రను సంపూర్ణంగా అర్థం చేసుకునేందుకు చరిత్రకారులకు అవకాశం దక్కనుంది.
