జమ్మూకశ్మీర్​ లో ముగిసిన ఎన్నికలు

శ్రీనగర్​: జమ్మూకశ్మీర్​ లో చివరి విడత ఎన్నికల ప్రక్రియ ముగిసింది. సాయంత్రం ఐదు గంటల వరకు 65 శాతం పోలింగ్​ నమోదైంది. మంగళవారం ఏడు జిల్లాల్లో 40 అసెంబ్లీ స్థానాలకు గాను ఈసీ ఎన్నికలను నిర్వహించింది. అత్యధికంగా ఉధంపూర్​ లో 722.91 శాం పోలింగ్​ నమోదు కాగా అత్యల్పంగా బారాముల్లలో 55.73 శాతం పోలింగ్​ నమోదైంది. కాగా ఓటింగ్​ ప్రక్రియ నెమ్మదిగా కొనసాగిస్తున్నాయని పీడీపీ ఆరోపించింది. అదే సమయంలో ప్రజల గొంతుకై నిలుస్తామని అవామీ ఇత్తెహాద్​ పార్టీ అధ్యక్షుడు, ఎంపీ ఇంజనీర్​ రషీద్​ ధీమా వ్యక్తం చేశారు. మరోవైపు కాంగ్రెస్​, ఎన్సీపీలు తమ విజయం తథ్యమని అన్నాయి.

ఇక ఈ రాష్ట్ర ఎన్నికలను అత్యంత ప్రతిష్ఠాత్మకంగా తీసుకున్న బీజేపీ భారీ ఎత్తున ప్రచారం నిర్వహించింది. ఆ రాష్ట్ర బీజేపీ అధ్యక్షుడు రవీందర్​ రైనా ఎన్నికల్లో బీజేపీ విజయం ఖాయమని అన్నారు. మోదీ నేతృత్వంలో అభివృద్ధికే ప్రజలు ప్రాధాన్యతనిచ్చారని తెలిపారు. 

బందీపోరాలో 63.33 శాతం, జమ్మూలో 66.79 శాతం, కథువాలో 70.53 శాతం, కుప్వారాలో 62.76 శాతం, సాంబాలో 72.41 శాతం ఓటింగ్​ నమోదైంది.