నిరుద్యోగులను మోసం చేయొద్దు

నా తెలంగాణ, సంగారెడ్డి టౌన్: మాలలకు వ్యతిరేకంగా జరుగుతున్న కుట్రలను గ్రామాలలో చర్చల ద్వారా ప్రజలకు వివరించాలని ఎస్సీ వర్గీకరణ పోరాట సమితి చైర్మన్​ జి. చెన్నయ్య పిలుపునిచ్చారు. పోరాట సమితి నిర్వహిస్తున్న బస్సు యాత్ర 9వ రోజు సంగారెడ్డికి చేరుకుంది. ఈ సందర్భంగా ముఖ్య నాయకుల సమావేశం బి. మల్లేశం అధ్యక్షతన సంగారెడ్డి టీఎన్​జీవో భవన్​ లో శనివారం నిర్వహించారు. ఎస్సీ వర్గీకరణకు వ్యతిరేకంగా నవంబర్​ 24 హైదరాబాద్​ లో జరిగే బహిరంగ సభను విజయవంతం చేసేలా అవగాహన కల్పించాలన్నారు. రాష్​ర్టంలో ఉద్యోగ నోటిఫికేషన్లు ఆపి నిరుద్యోగుల ఆశలపై నీళ్లు చల్లారని విమర్శించారు. వెంటన నిరుద్యోగ భృతిని ఇవ్వాలని డిమాండ్​ చేశారు. కాంగ్రెస్​ పార్టీని అధికారంలోకి తీసుకువచ్చేందుకు అహార్నిశలు కష్టపడ్డ మాలలకు యనివర్సిటీ వీసీలతోపాటు మిగతా నామినేటెడ్​ పోస్టులలో అన్యాయం జరిగిందన్నారు. ఇప్పటికైనా మాలలపై ప్రభుత్వానికి ఉన్న ద్వేషాన్ని విడనాడాలని తమకు న్యాయం చేయాలని డిమాండ్​ చేశారు. ఈ కార్యక్రమంలో కో - చైర్మన్ లు బూర్గుల వెంకటేశ్వర్లు, తల్లపల్లి రవి, చెరుకు రాంచందర్,  గోపోజు రమేష్, మంత్రి నరసింహయ్య, మంచాల లింగ స్వామి, బేర బాలకిషన్, ఎ.చెన్న కేశవులు, మేక వెంకన్న, గద్ద శ్రీను, తాలుక అనిల్, యస్. నాను, జిల్లా అధ్యక్షులు ఏ మల్లేశం, ఉపాధ్యక్షులు బి. అశోక్ కుమార్, డా. బి జనార్దన్, అనంతయ్య, విజయ రావు, బక్కన్న, రాజు, పుండరీకం, మొగిలయ్య, జె.గోపాల్, మోహన్ రాజ్, సుజాత, అనిత, దేవయ్య, మణియ్య, యాదయ్య తదితరులు పాల్గొన్నారు.