ఆర్మీ అధికారులకు విశిష్ఠ సేవా పురస్కారాలు

నా తెలంగాణ, న్యూ ఢిల్లీ: రక్షణ రంగంలో ఉత్తమ సేవలకు గుర్తుగా విశిష్ఠ సేవా పురస్కారాలను పలువురు ఆర్మీ అధికారులకు రాష్ట్రపతి ద్రౌపదీ ముర్మూ అందజేశారు. శుక్రవారం న్యూ ఢిల్లీలోని రాష్ట్రపతి భవన్​ లో జరిగిన డిఫెన్స్​ ఇన్వెస్టిచర్​ వేడుక–2024లో ఈ అవార్డులను ప్రదానం చేశారు. ఈ కార్యక్రమంలో కేంద్ర రక్షణ శాఖ మంత్రి రాజ్​ నాథ్​ సింగ్​, విదేశాంగ శాఖ మంత్రి డాక్టర్​ ఎస్​. జై శంకర్​, ఢిల్లీ ఎల్జీ వినయ్​ కుమార్​ సక్సేనా, ఆర్మీ ఉన్నతాధికారులు తదితరులు పాల్గొన్నారు.