ఢిల్లీ వాతావరణం మెరుగు సడలింపునిచ్చిన సుప్రీంకోర్టు

నా తెలంగాణ, న్యూ ఢిల్లీ: క్రమేణా ఢిల్లీ వాతావరణం మెరుగుపడుతుండడంతో గ్రాప్​​–4లో సడలింపులకు సుప్రీం కోర్టు అనుమతించింది. గురువారం ఢిల్లీ వాతావరణ కాలుష్యం పిటిషన్​ పై విచారణ చేపట్టింది. ప్రజలు చాలా కాలం తరువాత ఈ స్థాయి గాలిని పీల్చగలుగుతున్నారని, ఆకాశం నిర్మలంగా మారుతోందని పేర్కొంది. రెండు నెలల తరువాత వాతావరణం నుంచి ఉపశమనం లభించిందన్నారు. గ్రాప్​ 2 కంటే నిబంధనలు సడలించొద్దని పేర్కొంది. గ్రాప్​ 3 కిందకు సవరించి కొన్ని చర్యలను తీసుకోవాలని పేర్కొంది. ప్రస్తుతం ఢిల్లీ ఏక్యూఐ 178గా నమోదైంది. కొన్ని ప్రాంతాల్లో ఏక్యూఐ వందగా నమోదయ్యిందని కాలుష్య నియంత్రణాధికారులు సుప్రీంకు తెలిపారు. 

అదే సమయంలో తీవ్ర కాలుష్యానికి కారణమయ్యే వాహనాలపై నిషేధం సడలించొద్దని పేర్కొంది. ఎలక్ర్టిక్​ వాహనాలు, సీఎన్జీ వాహనాలకు అనుమతించాలని తెలిపింది. ఇంధన వాహనాలపై నిషేధం కొనసాగుతుందని పేర్కొంది. హైవేలు, రోడ్లు, వంతెనలు ప్రజా ప్రాజెక్టులు సహా అన్ని నిర్మాణ కార్యకలాపాలపై తాత్కాలిక నిషేధం కొనసాగించాలని సుప్రీం కోర్టు స్పష్టం చేసింది.