కొండంత అండ

నా తెలంగాణ, న్యూఢిల్లీ: చేవెళ్ల అభివృద్ధికి కొండా విశ్వేశ్వర్​ రెడ్డి మరింత తోడ్పాటు అందిస్తారని మహేశ్వరం బీజేపీ రాష్ట్ర కార్యవర్గ సభ్యులు, నియోజకవర్గ ఇంచార్జీ అందెల శ్రీరాములు యాదవ్​ అన్నారు. పార్లమెంట్​ లో ప్రమాణ స్వీకారం అనంతరం న్యూ ఢిల్లీలో మంగళవారం అందెల శ్రీరాములు యాదవ్​ కొండా విశ్వేశ్వర్​ రెడ్డికి పుష్పగుచ్చం ఇచ్చి అభినందనలు తెలిపారు. ఈ సందర్భంగా ఆయన మాట్లాడుతూ.. మహేశ్వరం అభివృద్ధికి తాము కట్టుబడి ఉన్నామన్నారు. కొండా విశ్వేశ్వర్​ రెడ్డి సూచనలు, సలహాలతో ఈ ప్రాంత అభివృద్ధికి బాటలు వేసుకుంటామని శ్రీరాములు యాదవ్​ స్పష్టం చేశారు. చేవెళ్ల నుంచి ఆయన ఎంపీగా గెలిచి రికార్డు సృష్టించారని అన్నారు. కొండా సారథ్యంలో బీజేపీ పార్టీని మరింత బలోపేతం చేసేందుకు కృషి చేస్తామని అందెల స్పష్టం చేశారు.