ఉక్రెయిన్ లో శాంతి కోసం స్వీస్ లో సదస్సు
50 దేశాలకు ఆహ్వానాలు
నా తెలంగాణ, న్యూ ఢిల్లీ: ఉక్రెయిన్ లో శాంతి కోసం స్విట్జర్లాండ్ లో అంతర్జాతీయ సదస్సు జరగనుంది. ఈ సదస్సుకు 50 దేశాలకు శనివారం ఆహ్వానాలు అందాయి. ఈ సదస్సుకు రష్యాను ఆహ్వానించలేదు. స్విట్జర్లాండ్ లోని బర్గెన్ స్టాక్ రిసార్ట్ లో ఈ సదస్సును నిర్వహించనున్నారు. ఈ సదస్సులో ఈక్వెడార్, ఐవరీకోస్ట్,కెన్యా, సోమాలియా, ఉక్రెయిన్, అమెరికా, బ్రెజిల్, దక్షిణాఫ్రికా, భారత్ తదితర దేశాలు పాల్గొననున్నాయి. కాగా భారత్, దక్షిణాఫ్రికాలు ఈ సదస్సులో పాల్గొన్నా దిగువ స్థాయిలో ప్రాతినిధ్యం వహించనున్నాయి. అదే సమయంలో అమెరికా నుంచి హాజరయ్యే ఉపాధ్యక్షురాలు కమలా హ్యారీస్ ఈ సదస్సులో కీలకపాత్ర పోషించనున్నారు.
