బ్యాటరీ కేంద్రంలో అగ్నిప్రమాదం
Fire at Battery Centre
వాషింగ్టన్: అమెరికా లాస్ ఏంజిల్స్ ఇప్పటికే అగ్నిప్రమాదం భయపెడుతుంటే తాజాగా శాన్ ఫ్రాన్సిస్కోలోని ప్రపంచంలోనే అత్యంత పెద్దైన బ్యాటరీల నిల్వ కేంద్రంలో అగ్నిప్రమాదం చోటు చేసుకుంది. దీంతో తీవ్రకలకలం రేగుతుంది. దీంతో చుట్టుపక్క ప్రాంతాల్లో ఉన్న వందలాది మందిని అధికారులు ఖాళీ చేయించారు. ఈ ప్రమాదం వల్ల హైవేను కూడా మూసివేశారు. పెద్ద ఎత్తున మంటలు, నల్లటి పొగలు వ్యాపించాయి. శాన్ ఫ్రాన్సిస్కోకు దక్షిణాన 124 కి.మీ. దూరంలో మోస్ ల్యాండింగ్ పవర్ ప్లాంట్ లో టెక్సాస్ సంస్థ విస్ర్టా ఎనర్జీకి చెందిన లక్షలాది లిథియం బ్యాటరీలున్నాయి. పునరుత్పాదక ఇంధనం ద్వారా విద్యుత్ ను ఇక్కడి నుంచే ఉత్పత్తి చేస్తుంటారు. ఈ వ్యవస్థలో లిథియం బ్యాటరీలు కీలక పాత్ర పోషిస్తాయి. బ్యాటరీలు పూర్తిగా అగ్నికి ఆహుతి కావడంతో ప్లాంట్ లో విద్యుత్ ఉత్పత్తి పూర్తిగా నిలిచిపోయింది. అగ్నిమాపకశాఖాధికారులు భారీ ఎత్తున చేరుకొని మంటలను ఆర్పే ప్రయత్నాలు చేస్తున్నారు. కాగా ప్రమాదానికి కారణాలు తెలియరాలేదు.
