అటల్​ కు ప్రముఖుల నివాళులు

నా తెలంగాణ, న్యూ ఢిల్లీ: వాజ్​ పేయి దేశాన్ని ఐక్యతగా ఉంచాలని తపించారని, దేశాన్ని బలోపేతం చేయాలని ప్రయత్నించారని ప్రధానమంత్రి నరేంద్ర మోదీ అన్నారు. శుక్రవారం (ఆగస్ట్​ 16) మాజీ ప్రధాని అటల్​ బిహారీ వాజ్​ పేయి వర్థంతి సందర్భంగా ఆయన సేవలను స్మరించుకున్నారు. న్యూ ఢిల్లీలో రాష్ర్టపతి ద్రౌపదీ ముర్మూ, ప్రధాని నరేంద్ర మోదీ, కేంద్ర హోంశాఖ మంత్రి అమిత్​ షా, ఉపరాష్ర్టపతి జగదీప్ ధన్‌కర్, రక్షణ మంత్రి రాజ్‌నాథ్ సింగ్ సహా బీజేపీ సీనియర్ నేతలు న్యూ ఢిల్లీలోని అటల్​ స్మారకం వద్దకు చేరుకుని పూలమాలలు వేసి నివాళులర్పించారు. 

ప్రజాదరణ చూరగొన్న నేత అటల్​: కేంద్రమంత్రి జి.కిషన్​ రెడ్డి..
అత్యధిక ప్రజాదరణ కలిగిన నాయకుడు అటల్​ బిహారీ వాజ్​ పేయి అని తెలంగాణ బీజేపీ అధ్యక్షుడు, కేంద్ర బొగ్గు, గనుల శాఖ మంత్రి జి.కిషన్​ రెడ్డి అన్నారు. మూడుసార్లు ప్రధానిగా, రెండుసార్లు రాజ్యసభ సభ్యులుగా, పదిసార్లు లోక్​ సభ సభ్యుడిగా ఎన్నికవడం మామూలు విషయం కాదన్నారు. భారత రాజకీయాల్లో తనదైన ముద్రను వేశారని అన్నారు. భారత్​ ను అణుశక్తి దేశంగా మార్చడంలో అటల్​ కీలకపాత్ర పోషించారని తెలిపారు. కార్గిల్​ యుద్ధంలో పాక్​ ను మట్టి కరిపించింది కూడా అటల్​ హయాంలోనే అని గుర్తు చేశారు. 

నాలుగు రాష్ట్రాల నుంచి ఆరు లోక్​ సభ నియోజకవర్గాలకు ప్రాతినిధ్యం వహించిన ఏకైక రాజకీయ నాయకుడు అటల్​ బిహారీ వాజ్​ పేయి అన్నారు. బీజేపీని అట్టడుగు స్థాయి నుంచి అత్యంత ఎత్తుకు ఎదిగేలా చేయడంలో అటల్​ భూమిక ఎనలేనిదని కేంద్రమంత్రి కిషన్​ రెడ్డి కీర్తించారు. ఆయనకు నివాళులర్పించారు.