యూఎన్​ శాంతి కమిషన్​ లో భారత్​ ఎంపిక

న్యూయార్క్​: యూఎన్​ (ఐక్యరాజ్యసమితి) శాంతి పరిరక్షణ కమిషన్​ లో మరోసారి భారత్​ ఎన్నికైంది. ప్రధాని నరేంద్ర మోదీ దక్షత, దౌత్యం ప్రపంచాన్ని ఆకట్టుకుంటుండంతో అంతర్జాతీయ వేదికలపై కూడా ఈ ప్రభావం కనిపిస్తుంది. గురువారం జరిగిన 2025–26కు సంబంధించిన యూఎన్​ శాంతి పరిరక్షణ కమిషన్​ లో భారత్​ ఎంపికైనట్లు ప్రకటించారు. 2024–25 పదవీ కాలం 31తో ముగియనుంది. ఈ నేపథ్యంలో మరోమారు దేశాల ఎంపిక అనివార్యమైంది. 

ఐక్యరాజ్యసమితి శాంతి పరిరక్షణకు వ్యవస్థాపక సభ్యదేశంగా, ప్రధాన సహకారిగా, ప్రపంచ శాంతి, స్థిరత్వం కోసం పని చేయడానికి పీబీసీతో కలిసి తన ప్రయాణాన్ని కొనసాగించేందుకు భారత్​ కట్టుబడి ఉంది. ఐక్యరాజ్యసమితి శాంతి పరిరక్షక దళాలకు యూనిఫాం ధరించిన (సైనిక సహకారం) సిబ్బందిని అత్యధికంగా అందించిన దేశాల్లో భారతదేశం ఒకటి. యూఎన్​ కార్యకలాపాలలో భాగంగా భారతదేశం ప్రస్తుతం అబై, సెంట్రల్ ఆఫ్రికన్ రిపబ్లిక్, సైప్రస్, డెమోక్రటిక్ రిపబ్లిక్ ఆఫ్ కాంగో, లెబనాన్, మిడిల్ ఈస్ట్, సోమాలియా, సౌత్ సూడాన్, పశ్చిమ సహారాలో 6,000 మంది సైనిక, పోలీసు సిబ్బందిని మోహరించారు.