క్యాన్సర్​ నివారణకు సీఎఆర్​– టీ థెరపీ 

బాంబే: క్యాన్సర్​ చివరి దశలో నిర్ధారణ వల్ల ప్రాణనష్టం ఎక్కువగా ఉంటుందని, క్యాన్సర్​ నివారణలో సీఎఆర్​– టీ థెరపీ ఉపయోగపడుతుందని రాష్ర్టపతి ద్రౌపదీ ముర్మూ అన్నారు. గురువారం ఐఐటీ బాంబే ఏర్పాటు చేసిన కార్యక్రమంలో పాల్గొన్నారు. క్యాన్సర్​ చికిత్స కోసం సీఏఆర్​–టీ థెరపీని ప్రారంభించారు. ఈ సందర్భంగా ముర్మూ మాట్లాడుతూ.. ఐఐటీ ముంబై, టాటా మెమోరియల్​లు అభివృద్ధి చేసిన ఈ జన్యు ఆధారిత చికిత్స క్యాన్సర్​ను నయం చేయడంలో సహాయపడుతుందన్నారు. 2019లో 12 లక్షల కొత్త క్యాన్సర్​ కేసులు, 9.3 లక్షల మరణాలు నమోదైవుతున్నట్లు నివేదికలు చెబుతున్నాయని ఆందోళన వ్యక్తం చేశారు. క్యాన్సర్​ చికిత్స అధిక ధరల కారణంగా సాధారణ ప్రజలకు అందుబాటులో లేకపోవడంతో మరణాలు ఎక్కువగా సంభవిస్తున్నాయని పేర్కొన్నారు. ఈ నూతన థెరపీ వల్ల తక్కువ ధరల్లోనే సులభతరమైన వైద్యం సాధారణ ప్రజలకు అందించడం అభినందనీయమని రాష్ర్టపతి ముర్మూ పేర్కొన్నారు.