జో బైడెన్​ కుమారుడు దోషిగా నిర్ధరణ

వాషింగ్టన్​: అమెరికా అధ్యక్ష ఎన్నికల ముందు జో బైడెన్​ కుమారుడు హంటర్​ బైడెన్​ డ్రగ్స్​, అక్రమ ఆయుధాలు కలిగి ఉన్న కేసులో దోషిగా తేలింది. డెలావేర్​ లోని కోర్టు అతన్ని ఏడు రోజులు విచారించింది. మంగళవారం కేసు విచారణ అనంతరం దోషిగా నిర్ధరిస్తూ తీర్పు చెప్పింది. అమెరికా చరిత్రలోనే అధ్యక్షుడి కుమారుడు దోషిగా తేలడం ఇదే మొదటి సారి కావడం విశేషం. దీంతో హంటర్​ కు శిక్ష తప్పదని భావిస్తున్నారు. అతని శిక్షను మూడు నెలల్లోగా ఖరారు చేసే అవకాశం ఉంది. ఈ కేసులో గరిష్టంగా 25యేళ్లు, కనిష్టంగా 36 నెలల శిక్ష పడే అవకాశం ఉంది. 

ఆరేళ్ల క్రితం హంటర్​ బైడెన్​ తుపాకీ లైసెన్సు కోసం దరఖాస్తు చేసుకున్నాడు. పోలీసుల విచారణలో ఇతనికి డ్రగ్స్​ తీసుకునే అలవాటు ఉన్నట్లుగా తేలింది. అంతకుముందే అతని వద్ద అక్రమ ఆయుధాలు కూడా ఉన్నట్లు పోలీసులు నిర్ధరించారు. దీంతో డెలావేర్​ కోర్టులో ఈ కేసు కొనసాగింది. ఎట్టకేలకు మంగళవారం అతన్ని కోర్టు దోషిగా నిర్ధరించింది. 

అమెరికా చట్టాల ప్రకారం డ్రగ్స్​ కు అలవాటు పడ్డ వారికి ఆయుధ లైసెన్సులు ఇవ్వరు. ఈ కోణంలో విచారణ జరపగా హంటర్​ ప్రియురాలు హేలీ డ్రగ్స్​ అలవాటు, తుపాకులు కలిగి ఉన్నాడని కోర్టులో సాక్ష్యం చెప్పింది. దీంతో హంటర్​ దోషిగా తేలాడు.