షాతో బోస్​ భేటీ

నా తెలంగాణ, న్యూ ఢిల్లీ: పశ్చిమ బెంగాల్​ లోని తాజా పరిస్థితిపై ఆ రాష్ర్ట గవర్నర్​ ఆనంద్​ బోస్​ కేంద్ర హోంశాఖ మంత్రి అమిత్​ షాకు వివరించారు. శుక్రవారం ఉదయం కోల్​ కతా మెడికో హత్యకు సంబంధించిన సమగ్ర వివరాలను షాకు నివేదిక రూపంలో సమర్పించారు. ప్రజాస్వామ్య బాధ్యతలో రాష్​ర్ట ప్రభుత్వం విఫలమైందని షాకు తెలిపారు. విద్యార్థులపై కఠిన చర్యలకు పూనుకుంటున్న, కాల్పులకు పాల్పడుతున్న పోలీసుల చర్యను ఆక్షేపించారు. పోలీసు కమిషనర్​ ను తొలగించాలని అమిత్​ షాకు గవర్నర్​ విన్నవించారు. కేసును పూర్తిగా తప్పుదోవ పట్టించేందుకు ప్రయత్నాలు జరిగాయన్నారు. ఈ నేపథ్యంలోనే రాష్​ర్టవ్యాప్తంగా ఆందోళనలతో పరిస్థితి అదుపు తప్పే అవకాశం ఉందన్నారు. సత్వరమే బలమైన నిర్ణయం తీసుకోవాల్సిన ఆవశ్యకతను గవర్నర్​ షాకు వివరించారు. మరోవైపు పశ్చిమ బెంగాల్​ లో రాష్ర్టపతి పాలనపై ఊహాగానాలు కొనసాగుతున్నాయి. పెద్ద యెత్తున నిరసనలు, ఆందోళనలతో రాష్ర్టం అట్టుడుకుతోంది. ఈ ఉదంతాన్ని రాష్ర్టపతి కూడా తప్పుబట్టారు. గవర్నర్​ గత వారం అధ్యక్షురాలితో కూడా కలిసి వివరాలను వెల్లడించారు.