మార్కెట్ కమిటీ చైర్మన్ గా భీంరెడ్డి ప్రమాణ స్వీకారం

నా తెలంగాణ, నిర్మల్: నిర్మల్ వ్యవసాయ మార్కెట్ కమిటీ చైర్మన్ గా సోమ భీం రెడ్డి బుధవారం ప్రమాణ స్వీకారం చేశారు.  కార్యాలయ ఆవరణలో నిర్వహించిన కార్యక్రమంలో చైర్మన్ గా సోమ భీం రెడ్డి, వైస్ చైర్మన్ గా ఈటెల శ్రీనివాస్, డైరెక్టర్ లతో వ్యవసాయశాఖ అధికారి ప్రమాణస్వీకారం చేయించారు. ఈ కార్యక్రమానికి హాజరైన మున్సిపల్ చైర్మన్ గండ్రత్ ఈశ్వర్ మాట్లాడుతూ సీఎం రేవంత్ రెడ్డి నేతృత్వంలోని ప్రజా ప్రభుత్వం  రైతుల శ్రేయస్సు కోసం కృషి చేస్తుందని అన్నారు. నూతన పాలక మండలిని పలువురు ఘనంగా సన్మానించారు.