పీఎఫ్​ఐ 8మంది బెయిల్​ రద్దు

నా తెలంగాణ, న్యూ ఢిల్లీ: మద్రాస్​ హైకోర్టు పీఎఫ్​ఐ (పాపులర్​ ఫ్రంట్​ ఆఫ్​ ఇండియా) 8మంది నిందితులకు ఇచ్చిన బెయిల్​ ను సుప్రీంకోర్టు బుధవారం రద్దు చేసింది. మద్రాస్​ హైకోర్టు ఇచ్చిన బెయిల్​ పై కేంద్ర ప్రభుత్వం సుప్రీంలో పిటిషన్​ దాఖలు చేసింది. దీంతో సుప్రీంకోర్టు బెయిల్​ ను రద్దు చేస్తూ తీర్పునిచ్చింది. కాగా వాదనల సందర్భంలో ఇప్పటికే నిందితులు 16 నెలలు జైలులో ఉన్నారని మద్రాస్​ కోర్టు నిందితులే దోషులనేందుకు తగిన ఆధారాలు చూపడంలో విఫలమయ్యారని నిందితుల తరఫు న్యాయవాది పేర్కొన్నారు. అందుకే బెయిల్​ లభించిందన్నారు. దీనిపై కేంద్ర ప్రభుత్వం తరఫున వాదిస్తున్న న్యాయవాది మాట్లాడుతూ.. నిందితులు దేశంలోని అనేక ప్రాంతాల్లో బాంబు పేలుళ్లకు కుట్రలు పన్నారని సాంకేతిక ఆధారాలను సమర్పించామని పేర్కొంది. వీరంతా నిషేధిత పీఎఫ్​ఐ సభ్యులుగా పేర్కొంది. 

నిందితులు దేశంలో పాల్పడబోయే విద్రోహ చర్య తీవ్రమైందని దృష్టిలో ఉంచుకోవాలని సుప్రీంకోర్టుకు న్యాయవాది విజ్ఞప్తి చేశారు. వీరికి విదేశాలతో కూడా సంబంధాలున్నాయని కూడా పలు ఆధారాలను సమర్పించామని తెలిపారు. ఈ నేపథ్యంలో సుప్రీం కోర్టు ద్విసభ్య ధర్మాసనం జస్టిస్​ బేలా మాధుర్య త్రివేది, జస్టిస్ పంకజ్ మిథాల్‌లతో కూడిన డివిజన్ బెంచ్ నిందితుల బెయిల్​ ను రద్దు చేసింది. 
మద్రాస్​ ఇచ్చిన తీర్పుపై పునర్​ విచారణ చేపడతామని స్పష్టం చేసింది.