హత్రాస్​ తొక్కిసలాట జ్యూడీషియల్​ కమిషన్​ లో బాబా వాంగ్మూలం

లక్నో: హత్రాస్​ తొక్కిసలాట కేసులో జ్యూడీషియల్​ కమిషన్​ ముందు భోలే బాబా హాజరయ్యారు. గురువారం కమిషన్​ ఆయన వాంగ్మూలాన్ని నమోదు చేసింది. గత జులైలో హత్రాస్‌లోని ఫుల్రాయ్ మొఘల్‌గర్హి గ్రామంలో నారాయణ్ సకర్ హరి భోలే బాబా అలియాస్ సూరజ్‌పాల్ సత్సంగం సందర్భంగా తొక్కిసలాటలో 121 మంది చనిపోయారు. బాబాను కట్టుదిట్టమైన భద్రత మధ్య లక్నో సచివాలయంలోని జ్యూడీషియల్​ కమిషన్​ ముందు హాజరు పరిచారు. అనంతరం బాబా తరఫు న్యాయవాది మాట్లాడుతూ.. యోగి ప్రభుత్వం, న్యాయవ్యవస్థపై తమకు పూర్తి విశ్వాసం ఉందన్నారు. ఇందులో కుట్రకోణం దాగి ఉండవచ్చన్నారు. ఈ కేసులో ఇప్పటివరకు 11 మందిని పోలీసులు అరెస్టు చేశారు. అక్టోబర్​ 1న 3200 పేజీల చార్జీషీట్​ ను సిట్​ దాఖలు చేసింది.