బీఎస్పీ ఎమ్మెల్యే హత్య..

లక్నో: సంచలనం సృష్టించిన బీఎస్సీ ఎమ్మెల్యే రాజుపాల్​ హత్య కేసులో ఏడుగురు నిందితుల్లో ఆరుగురిని కోర్టు దోషులుగా నిర్ధారించింది. వారికి యావజ్జీవ కారగార శిక్షతోపాటు రూ. 50వేల జరిమానా విధించింది. లక్నో సీబీఐ కోర్టులో ఈ కేసు విచారణకొచ్చింది. గతంలోనే వాదనలు, సాక్ష్యాలను పూర్తిగా విచారించిన కోర్టు నిందితులను శుక్రవారం దోషులుగా పేర్కొంటూ, శిక్షలు కూడా ఖరారు చేసింది. ఈ కేసులో నిందితుడు ఫర్హాన్​కు అక్రమ ఆయుధాలు కలిగి ఉన్నందున నాలుగేళ్ల జైలు శిక్ష రూ. 20వేల జరిమానా విధిస్తూ ప్రత్యేక న్యాయమూర్తి తీర్పు చెప్పారు. దోషుల్లో ఇస్రార్​ అహ్మద్, రంజిత్​ పాల్, జావేద్, అబిద్, గుల్షన్, అబ్దుల్​ కవిలు దోషులుగా కోర్టు పేర్కొంది.