బీఎస్పీ ఇబ్రహీం యూనివర్సిటీ సీజ్​

లక్నో: యూపీ సహారన్​ పూర్​ బీఎస్పీ మాజీ ఎమ్మెల్సీ హాజీ మహ్మద్​ ఇక్బాల్​ కు చెందిన గ్లోకల్​ యూనివర్సిటీని ఈడీ సీజ్​ చేసింది. అక్రమ మైనింగ్​ కేసులో సీజ్​ చేసినట్లు శనివారం ఈడీ తెలిపింది. గ్లోకల్​ యూనివర్సిటీ 121 ఎకరాల సువిశాల స్థలంలో విస్తరించి ఉంది.  ఇక్బాల్​ ప్రస్తుతం దుబాయ్​ లో తలదాచుకున్నాడు. దేశవ్యాప్తంగా ఇతనిపై అనేక దర్యాప్తు సంస్థలు విచారణ చేస్తున్నాయి. ఇతని నలుగురు కుమారులు, తమ్ముడు ఇప్పటికే జైలులో ఉన్నారు.

ఈ యూనివర్సిటీ అబ్దుల్​ వాహీద్​ ఎడ్యుకేషన్​ ద్వారా నిర్వహిస్తున్నారు. పదేళ్ల క్రితం మనీలాండరింగ్​ కింద ఇక్బాల్​ పై కేసు నమోదు చేశారు. 

కాగా మైనింగ్​ కంపెనీలన్నీ ఇతనివే అని పలువురు సన్నిహితులు తెలిపారు. వారి పేర్లపై కూడా పలు మైనింగ్​ సంస్థలున్నట్లు గుర్తించారు. ఈ సంస్థల ద్వారా ఇబ్రహీం పెద్ద ఎత్తున అక్రమ మైనింగ్ కార్యకలాపాలకు పాల్పడ్డట్టు తేల్చారు.