అరుణాచల్​ లో బీజేపీ విజయఢంకా

ఇటానగర్​: అరుణాచల్​ ప్రదేశ్​ లో బీజేపీ విజయఢంకా మోగించింది. 46 సీట్లను స్వాధీనం చేసుకొని అరుణాచల్​ లో పాగా వేసింది. 2019లో 41 స్థానాలను సాధించగా గతంకంటే ఐదు సీట్లను ఎక్కువగా సాధించి సింగిల్​ లార్జెస్ట్​ మెజార్టీ పార్టీగా అవతరించింది. ఆదివారం ఉదయం నుంచి జరిగిన అసెంబ్లీ ఓట్ల లెక్కింపు వార్​ వన్​ సైడ్​ అన్నట్లుగానే సాగాయి. 60 అసెంబ్లీ స్థానాలున్న అరుణాచల్​ లో తొలుత రౌండ్​ నుంచే బీజేపీ ఆధిక్యాన్ని ప్రదర్శించింది. ఎన్​పీపీ 5, కాంగ్రెస్​ 1, ఇతరులు 8 స్థానాల్లో విజయం సాధించారు. 2019లో ఎన్పీపీ 5, కాంగ్రెస్​ 4, ఇతరులు 10 స్థానాలను దక్కించుకున్నారు. 

అరుణాచల్​ గవర్నర్​ కైవల్య త్రివిక్రమ్​ పర్నాయక్​ తో బీజేపీ నాయకులు భేటీ కానున్నారు. ప్రభుత్వ ఏర్పాటుకై సమయం విధివిధానాలను ఆయనతో చర్చించనున్నారు. మోదీ నేతృత్వంలో మరోమారు అరుణాచల్​ ను బీజేపీ తన ఖాతాలో వేసుకుంది.