మహిళాభివృద్ధికి ఎన్​ సీడీసీ రూ. 708 కోట్లు 

నా తెలంగాణ, న్యూ ఢిల్లీ: మహిళాభివృద్ధికి కేంద్ర ప్రభుత్వం చేపట్టిన ఎసీడీసీ (నేషనల్​ కో ఆపరేటివ్​ డెవలప్​ మెంట్​ కార్పొరేషన్​) ద్వారా రూ, 708 కోట్ల ఆర్థిక సహాయాన్ని మంజూరు చేసినట్లు కేంద్ర హోంశాఖ, సహకార మంత్రి అమిత్​ షా రాజ్యసభకు లిఖిత పూర్వక సమాధానమిచ్చారు. దేశంలో 25,385 మహిళా సంక్షేమ సహకార సంఘాలు నమోదయ్యాయని తెలిపారు. ఈ సంఘాల ద్వారా సామాజిక, ఆర్థిక పరిస్థితులను మెరుగుపర్చడంలో ఎన్​ సీడీసీ గణనీయమైన పాత్ర పోషిస్తోందన్నారు. అదే సమయంలో మహిళలు వ్యాపార కార్యకలాపాలను విస్తృతం చేసేందుకు ఈ పథకం దోహదపడుతుదని, వీలు కల్పిస్తుందన్నారు. సహకార సంఘాల్లో మహిళల భాగస్వామ్యాన్ని ప్రోత్సహించేందుకు ప్రభుత్వం అనేక కార్యక్రమాలు చేపట్టిందని షా చెప్పారు. దేశంలో లక్షా 44 వేల పాడి సహకార సంఘాలు ఉన్నాయని, గ్రామీణ మహిళలు పెద్ద సంఖ్యలో ఈ రంగంలో నిమగ్నమై ఉన్నారని మంత్రి తెలిపారు.