సుడాన్ ఆసుపత్రిపై దాడి..70మంది మృతి
Attack on Sudan hospital.. 70 people killed
కార్టూమ్: సుడాన్ లోని డార్ఫర్ ప్రాంతంలో ఆసుపత్రిలో జరిగిన దాడిలో 70 మంది మరణించారని డబ్ల్యూహెచ్ ఓ డైరెక్టర్ జనరల్ టెడ్రోస్ అధనామ్ ఘెబ్రేయేసస్ విచారం వ్యక్తం చేశారు. ఆదివారం దాడి, మృతి విషయాన్ని సామాజిక మాధ్యమంగా పంచుకున్నారు. అల్ ఫాషర్ నగరంలో ఈ దాడి జరిగిందని పూర్తి సమాచారం ఉందన్నారు. మరణాల సంఖ్య మరింత ఎక్కువ ఉండొచ్చని తెలిపారు. సుడాన్ లోని ఆసుపత్రిపై జరిగిన దాడిలో 19మందికి తీవ్ర గాయాలయ్యాయని చెప్పారు. దాడి ఎవరు చేశారనేది తెలియరాలేదని, స్థానిక అధికారుల ప్రకటనలను బట్టి తిరుగుబాటు ర్యాపిడ్ సపోర్ట్ ఫోర్స్ (ఆర్ఎస్ఎఫ్) కారణమని తెలుస్తుందన్నారు. దాడికి ముందు ఆసుపత్రిలో చాలామంది రోగులు చికిత్స పొందుతున్నారని, అదే సమయంలో ఈ దాడి జరిగిందని దీంతో పెద్ద ఎత్తున ప్రాణ నష్టం వాటిల్లినట్లు తెలిపారు. మృతుల్లో మహిళలు, చిన్నారులు ఉండడం బాధాకరమని అధనామ్ పేర్కొన్నారు.
