మాలివాల్​ పై దాడి కీలక మలుపులు తిరుగుతున్న కేసు

నా తెలంగాణ, న్యూ ఢిల్లీ: స్వాతి మాలివాల్​ కేసు కీలక మలుపులు తిరుగుతోంది. గురువారం రాత్రి ఆమెను విచారించిన పోలీసులు అనంతరం వైద్య పరీక్షల కోసం ఏయిమ్స్​ కు తరలించారు. శుక్రవారం ఉదయం కోర్టుకు తరలించారు. కోర్టు మాలివాల్​ వాంగ్మూలం నమోదు చేసింది. అనంతరం పోలీసులు సీన్​ రీ క్రియేట్​ చేసేందుకు ఢిల్లీ సీఎం హౌస్​ కు భారీ బందోబస్తు నడుమ చేరుకున్నారు. సీన్​ రీక్రియేట్​ చేశారు.  

మరోవైపు స్వాతి మాలివాల్​ పై సీఎం హౌస్​ లో దాడి జరిగిందనే వీడియో కూడా కలకలం రేపింది. కానీ ఆ వీడియోలో భద్రతా సిబ్బంది ఆమెతో మర్యాదపూర్వకంగానే వ్యవహరిస్తున్నట్లు కనిపిస్తుంది. సోఫాలో మాలివాల్​ కూర్చొన్న వీడియో రిలీజైంది. మరోవైపు ఈ వీడియో అనంతరం ఏం జరిగిందన్నది సస్పెన్స్​ గా మారింది. అనంతరమే దాడి జరిగిందని స్వాతి ఆరోపిస్తోంది. 

మొత్తానికి పోలీసులు మాలివాల్​ ఆరోపణలపై బిభవ్​ పై ఎఫ్ ఐఆర్​ నమోదు చేసి విచారిస్తున్నారు. 

దాడిపై ఆప్​ మంత్రి అతిషి విలేఖరుల సమావేశంలో మాట్లాడారు. వీడియో విడుదలతో స్వాతిపై ఎవ్వరు దాడికి పాల్పడలేదని స్పష్టమవుతోందన్నారు. ఆమెను భద్రతా సిబ్బందిని బెదిరించిన తీరు కనిపిస్తోందన్నారు. అనవసరం బిభవ్​ ను పోలీసులు బెదిరిస్తున్నారని ఆరోపించారు. స్వాతి మాలివాల్​ పై బిభవ్​ కూడా ఫిర్యాదు చేశారని కేసు నమోదైందని తెలిపారు.