సంభాల్​ మసీదు జిల్లా కోర్టు విచారణపై హైకోర్టు స్టే

లక్నో: యూపీలోని సంభాల్​ ఆలయ మసీదు వివాదానికి సంబంధించిన జిల్లా కోర్టు కేసు విచారణపై అలహాబాద్​ హైకోర్టు స్టే విధించింది. రాయల్​ జామా మసీదు దాఖలు చేసిన పిటిషన్​ పై అలహాబాద్​ హైకోర్టు బుధవారం విచారించింది. పిటిషన్​ పై తమ తమ అభిప్రాయాలను ఇరుపక్షాలు కోర్టుకు నాలుగువారాల్లోకి నివేదిక రూపంలో సమర్పించాలని తెలిపింది. పిటిషన్​ దాఖలు చేసిన మసీదు కమిటీ రెండు వారాల్లోకా తన పిటిషన్​ ను దాఖలు చేయాలని స్పష్టం చేసింది. ఈ పిటిషన్​ పై అలహాబాద్​ హైకోర్టు ప్రధాన న్యాయమూర్తి రోహిత్​ రంజన్​ అగర్వాల్​ సింగిల్​ బెంచ్​ విచారణ చేపట్టారు. ఫిబ్రవరి 25కు విచారణను వాయిదా వేశారు. ఈ కేసును ఇప్పటికే హిందు పక్షాలు జిల్లా కోర్టుతోపాటు, హైకోర్టు, సుప్రీంకోర్టును కూడా ఆశ్రయించాయి.