పక్క దారి పట్టిన అంగన్​ వాడీ సరుకులు

నా తెలంగాణ, అందోల్: మెదక్ జిల్లా టేక్మాల్ మండల పరిధిలోని హాసన్ మహమ్మద్ పల్లి తండాలో అంగన్​ వాడీ సరుకులు పక్కదారి పట్టాయి. తండాకు చెందిన చెందిన అంగన్​ వాడీ టీచర్​ దేవసోత్​ అనసూయ తన అల్లుని కారులో గర్భీణీలకు, చిన్న పిల్లలకు అందించే గుడ్లు, పాల పదార్థాలు, కందిపప్పును తరలిస్తుండగా తండావాసులు రెడ్​ హ్యాండెడ్​ గా పట్టుకున్నారు. ప్రతీ నెలా ఈ సరుకులన్నీ అంగన్​ వాడీలోని పిల్లలకు అందజేయాల్సి ఉండగా ఆమె తన బంధువులకు తరలిస్తు, బయటి ప్రాంతాల్లో అమ్ముకుంటూ సొమ్ముచేసుకుంటోందని స్థానికులు ఆరోపించారు. సంబంధిత అధికారులు వెంటనే అంగన్​ వాడీ ఆయా అనసూయపై కఠిన చర్యలు తీసుకోవాలని, ఆమెను వెంటనే విధుల నుంచి తొలగించాలని డిమాండ్​ చేశారు.