క్లిష్ట సమయాల్లో మాల్దీవులకు సహాయం

నా తెలంగాణ, న్యూ ఢిల్లీ: వీలైనంత మేరకు క్లిష్ట సమయాల్లో కూడా మాల్దీవులకు భారత్​ చేయగలిగినంతా సహాయాన్ని చేసిందని భారత విదేశాంగ మంత్రి ఎస్​. జై శంకర్​ పేర్కొన్నారు. భారత్-మాల్దీవుల సంబంధాల అభివృద్ధి పరస్పర ప్రయోజనాలు, సున్నితత్వంపై ఆధారపడి ఉంటుందని జై శంకర్​ తెలిపారు. భారత పర్యటనలో ఉన్న మాల్దీవులు విదేశాంగ శాఖ మంత్రి మూసా జమీర్​ తో గురువారం జై శంకర్​ న్యూ ఢిల్లీలో సమావేశమై పలు అంశాలపై చర్చించారు. మాల్దీవులు సముద్ర ప్రాంతంలో తమ దేశ స్వప్రయోజనాలకు సంబంధించిన ఫైబర్​ ఫస్ట్​ పాలసీ విషయంలో మంత్రితో చర్చించామన్నారు. ఇరుదేశాల విదేశాంగ ప్రతినిధులు కలిసి మాట్లాడుకోవడం మంచిదన్నారు. సైనికుల తొలగింపు అంశంలో కూడా చర్చలు కొనసాగినట్లు సమాచారం. కాగా ఈ విషయాన్ని మంత్రి వెల్లడించలేదు. మొయిజ్జు నూతన ప్రభుత్వం ఏర్పాటయ్యాక మంత్రి మూసా పర్యటనతో తిరిగి భారత్​ తో స్నేహ సంబంధాలను మాల్దీవులు కోరుకుంటున్నట్లు స్పష్టం అవుతోంది. గతంలో మొయిజ్జు మాట్లాడుతూ భారత్​ తమ సైనికులను మాల్దీవులు నుంచి ఉపసంహరించుకోవాలని మే 10 వరకు గడువు విధించిన విషయం తెలిసిందే.