49వేల హత్యలకు అబ్దుల్లా, నెహ్రూలదే బాధ్యత
కేంద్ర హోంశాఖ మంత్రి అమిత్ షా
శ్రీనగర్: 40వేల హత్యలకు అబ్దుల్లా, నెహ్రూలే బాధ్యత వహించాలని కేంద్రహోంశాఖ మంత్రి అమిత్ షా అన్నారు. గురువారం జమ్మూకశ్మీర్ లోని మూడోవిడత ఎన్నికల ప్రచారం సందర్భంగా చెనాని, ఉదంపూర్ లలో జరిగిన బహిరంగ సభలో మంత్రి అమిత్ షా మాట్లాడారు. కాంగ్రెస్, ఎన్సీపీలు ఫరిడవిల్లుతోన్న జమ్మూకశ్మీర్ లో మళ్లీ ఉగ్రవాదాన్ని తేవాలనుకుంటున్నాయని మండిపడ్డారు. కానీ ఉగ్రవాదాన్ని నరకపు లోతుల్లో పాతిపెడతామని షా హెచ్చరించారు. ఫరూక్ విహారయాత్రలకు లండన్ వెళ్లి ఖరీదైన మోటార్ సైకిల్లు నడుపుతారన్నారు. ఈ రాష్ర్టంలో ఉగ్రవాదాన్ని మాత్రం అంతం చేసేందుకు రాదన్నారు. దేశ పార్లమెంట్ ఉగ్రవాది అఫ్జల్ గురుకు ఉరిశిక్ష విస్తే ఒమర్ అబ్దుల్లాకు బాధేందుకని ప్రశ్నించారు. ఉగ్రవాదులకు బిర్యానీ తినిపించిన నీతిమాలిన చర్య వీరిదన్నారు. జమ్మూకశ్మీర్ లో ఉగ్రవాదం ఫరిడవిల్లేందుకు ఇలాంటి వారే కారణమన్నారు. సామాన్య ప్రజానీకం జీవితాలను నరకప్రాయంగా మార్చారని మండిపడ్డారు.
3వేల రోజులు కర్ఫ్యూనా?..
ఈ రాష్ర్టంలో 40యేళ్లపాటు ఉగ్రవాదంతో 40వేలమందిని పొట్టన బెట్టుకునేందుకు ఈ పార్టీలే కారణమన్నారు. 3వేల రోజులపాటు కర్ఫ్యూ విధిస్తారా? రాష్ర్టం అభివృద్ధి ఏమైపోతోందని ప్రశ్నించారు. పాక్ ప్రేరేపిత ఉగ్రవాదులు బాంబులు, బుల్లెట్లు పేల్చుతుంటే ఇక్కడి యువత చేతుల్లో రాళ్లు పెట్టి తమ రాజకీయం పబ్బం గడుపుకుంటారా? అని మండిపడ్డారు. 370 రద్దుతో జమ్మూకశ్మీర్ అభివృద్ధి వైపు వెళుతుంటే చూస్తూ ఓర్వజాలలేకపోతున్నారని మండిపడ్డారు.
70యేళ్లలో జమ్మూకశ్మీర్ ను కాపాడారా?..
ప్రజాస్వామ్యాన్ని కాంగ్రెస్, ఎన్సీలు అపహాస్యం చేస్తున్నాయని తెలిపారు. అబ్దుల్లా, ముఫ్తీ, నెహ్రూల కుటుంబాలు 70యేళ్లపాటు జమ్మూకశ్మీర్ ను కాపాడాయా? ఉగ్రవాదాన్ని అంతం చేయగలిగాయా? అని ప్రశ్నించారు. లెఫ్ట్ నెంట్ గవర్నర్ పాలన రాహుల్ వ్యాఖ్యలపై మండిపడ్డారు. ఇందిరా, రాజీవ్ గాంధీల హయాంలోనే రాష్ర్టపతి పాలన ఎక్కువ సమయం ఉందని రాహుల్ తెలుసుకోవాలని షా పేర్కొన్నారు.
దేశ, రాష్ర్ట హితాన్ని కాంక్షించే మోదీ ప్రభుత్వానికే ఓటేయాలి..
ఆర్టికల్ 370 రద్దు అనంతరం తొలిసారి రాష్ర్టంలో ఎన్నికలు జరుగుతున్నాయని వీటిలో అన్ని వర్గాలకు సమప్రాధాన్యతను బీజేపీ కల్పించిందని తెలిపారు. ప్రధాని నరేంద్ర మోదీ ఆధ్వర్యంలో జమ్మూకశ్మీర్ అభివృద్ధికి నాందీ పలికి ఉగ్రవాదాన్ని తుదముట్టించామని, రాళ్లదాడుల నుంచి విముక్తి కల్పించామని షా తెలిపారు. ప్రజలు ఉగ్రపార్టీల దురాలోచనలకు కాకుండా అభివృద్ధిని, దేశ హితాన్ని కాంక్షించే మోదీ ప్రభుత్వానికే ఓటు వేయాలని అమిత్ షా విజ్ఞప్తి చేశారు.
