బాలిక కిడ్నాప్ నిందితుడిపై పోక్సో కేసు నమోదు
పోలీసుల సమయస్ఫూర్తితో కిడ్నాపైన చిన్నారి సురక్షితం నిందితుడు బిహార్ వాసీ కొత్తూరు ఇన్ముల్ నర్వలో పట్టివేత బాలికను కుటుంబీకులకు అప్పజెప్పిన పోలీసులు నిందితుడిపై బాధిత కుటుంబం, బంధువుల దాడికి యత్నం
నా తెలంగాణ, హైదరాబాద్: నగర నడిబొడ్డున చిన్నారి కిడ్నాప్ కేసును పోలీసులు సమయస్ఫూర్తితో వ్యవహరించి కొలిక్కి తీసుకొచ్చారు. ఫిర్యాదు అందిన వెంటనే రంగంలోకి దిగి బాలికను సురక్షితంగా తీసుకురాగలిగారు. కిడ్నాప్ చేసిన నిందితుడు బిహార్ కు చెందిన బిలాల్ ను ఆదివారం కొత్తూరు ఇన్ముల్ నర్వలో పట్టుకున్నారు. బాలిక కూడా సురక్షితంగా ఉండడంతో ఊపిరి పీల్చుకున్నారు. బాలిక మరో చిన్నారి వెంట అబిడ్స్ లోని కట్టెల మండిలో ఆడుకుంటుంది. ఇంతలో ఓ వ్యక్తి ఆ చిన్నారికి చాక్లె ఇచ్చి ఆటోలో తీసుకువెళ్లాడు. ఈ దృశ్యాలన్నీ సీసీ కెమెరాల్లో రికార్డయ్యాయి. కుటుంబ సభ్యులు పోలీసులకు ఫిర్యాదు చేయడంతో ఐదు బృందాలతో రంగంలోకి దిగిన పోలీసులు నిందితుడిని కొత్తూరులోని ఇన్ముల్ నర్వ నుంచి అదుపులోకి తీసుకున్నారు. బాలిక సురక్షితంగా ఉందని తీసుకువెళ్లాలన్న సమాచారాన్ని తెలుసుకున్న బాలిక కుటుంబ సభ్యులు, బంధువులు అబిడ్స్ పోలీస్ స్టేషన్ కు పెద్ద ఎత్తున చేరుకున్నారు. బాలికను పోలీసులు సురక్షితంగా కుటుంబ సభ్యులకు అప్పజెప్పారు. ఇంతలోనే కొందరు నిందితుడు బిలాల్ పై దాడికి పాల్పడ్డారు. పోలీసులు కలుగజేసుకొని అతన్ని స్టేషన్ లోకి తీసుకువెళ్లి సెల్ లో వేశారు. ఈ కిడ్నాప్ పై పోక్సో చట్టం కింద కేసు నమోదు చేసినట్లు ఏసీబీ చంద్రశేఖర్ తెలిపారు.
