ఇంధన ట్యాంకర్ పేలి 94 మంది మృతి
50 మందికి తీవ్ర గాయాలు
నైజీరియా: నైజీరియాలో ఇంధన ట్యాంకర్ పేలి 94 మంది మృతి చెందారు. 50మందికి పైగా తీవ్ర గాయాలయ్యాయి. విషయం తెలుసుకొని సంఘటనా స్థలానికి చేరుకున్న పోలీసులు క్షతగాత్రులను ఆసుపత్రికి తరలించారు. ఉత్తర నైజీరియాలోని జిగావా రాష్ర్టంలో ఇంధన ట్యాంకులో పేలుడు సంభవించినట్లు పోలీసు ఉన్నతాధికారిక లావాన్ ఆడమ్ తెలిపారు. ఇంధన ట్యాంకర్ బోల్తాపడిందన్నారు. బోల్తాపడిన ట్యాంకర్ నుంచి స్థానికులు ఇంధనాన్ని తరలించేందుకు ప్రయత్నించగా పేలుడు సంభవించిందని తెలిపారు. ఈ ప్రమాదంలో 94 మంది మృతి చెందారని, మరో 50మందికి పైగా తీవ్ర గాయాలయ్యాయని తెలిపారు.
