బస్తర్​ లో ఎన్​ కౌంటర్​ 9మంది నక్సల్స్​ మృతి

రాయ్​ పూర్​: ఛత్తీస్​ గఢ్​ లోని దంతేవాడ–బీజాపూర్​ సరిహద్దులో భద్రతా దళాలు, నక్సలైట్లకు మధ్య ఎన్​ కౌంటర్​ చోటుచేసుకుంది. ఈ ఎన్​ కౌంటర్​ లో 9మంది నక్సలైట్లు మృతి చెందారు. మంగళవారం ఉదయం  అందిన సమాచారం మేరకు భద్రతాదళాలు  నక్సల్స్​ ఉన్న పశ్చిమ బస్తర్​ డివిజన్​ లో సెర్చింగ్​ చేపట్టారు. ఈ నేపథ్యంలో భద్రతాబలగాలపైకి ఒక్కసారిగా నక్సలైట్లు కాల్పులు జరపడంతో ప్రతిగా భద్రతాదళాలు ఎదురుదాడికి పాల్పడ్డాయి. దీంతో 9మంది నక్సలైట్లు మృతిచెందారు. ఘటనా స్థలం నుంచి నక్సల్స్​ మృతదేహాలతోపాటు ఎస్​ ఎల్​ ఆర్​, 303, 12 బోర్​ ఆయుధాలను స్వాధీనం చేసుకున్నారు. ఆ ప్రాంతంలో సెర్చింగ్​ కొనసాగుతోంది. కాగా ఈ ఎన్​ కౌంటర్​ లో కరడుగట్టి నక్సలైట్​ జెట్టీని అరెస్టు చేసినట్లుగా తెలుస్తోంది. ఇతను 35కు పైగా దాడులు నిర్వహించాడు. ఇతని తలపై ప్రభుత్వం 24 లక్షల రివార్డు ప్రకటించడం గమనార్హం.