న్యూస్​క్లిక్ కేసు 8వేల పేజీల చార్జీషీటు దాఖలు

న్యూఢిల్లీ: న్యూస్​ క్లిక్​ కేసులో పాటియాలా హౌస్​ కోర్టులో రెండు పెట్టెల్లో శనివారం చార్జీషీటు దాఖలు చేశారు. చార్జీషీటు 8వేల పేజీలు ఉందని ఈడీ అధికారులు పేర్కొన్నారు. భారత్​కు వ్యతిరేకంగా చైనా ప్రచారం కోసం విదేశీ శక్తులతో చేతులు కలిపి న్యూస్​క్లిక్​ పనిచేసిందనే ఆరోపణలున్నాయి. చట్టవ్యతిరేక కార్యకలాపాలపై ఇప్పటికే ఢిల్లీ స్పెషల్​పోలీసులు, ఈడీ, ఐటీ, సీబీఐ విచారణ చేపట్టారు. కోట్లాది రూపాయల విదేశీ నిధులు అందాయని గుర్తించినట్లు చార్జీషీటులో పేర్కొన్నారు. 2009లో ఈ సంస్థను ప్రారంభించారు. పలుమార్లు వివిధ చోట్ల ఏకకాలంలో సంస్థ కార్యాలయాలపై గతంలో దాడులు నిర్వహించారు. 2020లో న్యూస్​క్లిక్​పై ఎఫ్​ఐఆర్​ నమోదు చేశారు. అమెరికన్​ సంస్థ నుంచి రూ. 9.59 కోట్లు ప్రత్యక్షంగా వచ్చినట్లు గుర్తించారు. రూ. 10 ఉన్న షేరును రూ. 11,510లకు కొనుగోలు చేసినట్లు చూపారు. పోలీసుల సోదాల్లో విదేశీ కరెన్సీ, డాక్యుమెంట్లు, డిజిటల్​ఆధారాలను సైతం స్వాధీనం చేసుకొని విశ్లేషించి చార్జీషీట్​ను దాఖలు చేసినట్లు ఈడీ అధికారులు తెలిపారు. ఈడీ దర్యాప్తులో రూ. 38.05 కోట్ల నిధులు విదేశాల నుంచి వచ్చినట్లు గుర్తించింది. ఎఫ్​డీఐ ద్వారా రూ. 9.59, సేవల రూపంలో రూ. 28.46 కోట్లు అందినట్లు గుర్తించింది. దేశ చట్టవిరుద్ధ కార్యకలాపాల నిర్వహణపై ఈ సంస్థపై ఉపా చట్టం కింద ఐపీసీ 153ఎ, 120 బీ సెక్షన్​ల కింద కేసు నమోదైంది. ఈ కేసులో న్యూస్​క్లిక్​ వ్యవస్థాపకుడు పుర్కాయస్తను అరెస్టు చేశారు. 46 మందిని విచారించారు.