కుటుంబ రాజకీయాలు కాంగ్రెస్​కు అలవాటే

బెంగళూరు: వంశపారంపర్య రాజకీయాలే కాంగ్రెస్​కు అలవాటని కుటుంబీకులు, బంధువులకే ఈసారి కూడా టిక్కెట్లు కేటాయించుకున్నారని బీజేపీ అగ్రనాయకుడు, మాజీ సీఎం బసవరాజ్​ బొమ్మై అన్నారు. శనివారం బెంగళూరులో నిర్వహించిన ఓ కార్యక్రమంలో పాల్గొని ప్రసంగించారు. దేశంలో ఎక్కడ చూసిన బీజేపీ, ప్రధాని మోదీ మేనియా నడుస్తోందన్నారు. ముచ్చటగా మూడోసారి ప్రధాని పీఠాన్ని మోదీ అధిష్ఠించనున్నారని తెలిపారు. అనంతరం కాంగ్రెస్​లో విభేదాలు బయటపడనున్నాయన్నారు. ఈసారి కుటుంబీకులకు, బంధువులకు మాత్రమే టిక్కెట్లు కేటాయించడం వెనుక వేరే కారణం ఉందని బొమ్మై అన్నారు. కాంగ్రెస్​ పార్టీ తరఫున పదిమంది మంత్రులు పోటీ చేస్తున్నా గెలుపుపై వారికి ఏ మాత్రం నమ్మకం లేదని స్పష్టం చేశారు. దేశ ఆర్థిక వ్యవస్థను ఉన్నతస్థాయికి చేర్చి ప్రపంచంలోనే భారత కీర్తి గౌరవాలను చాటిన వ్యక్తి ప్రధాని మోదీ అన్నారు. తాను ఎప్పుడు నామినేషన్​ దాఖలు చేస్తాననేది 31న చెబుతానని అన్నారు.