అమర్​ నాథ్​ ను దర్శించుకున్న  4.65 లక్షల మంది

శ్రీనగర్​: జమ్మూకశ్మీర్​ లోని అమర్​ నాథ్​ యాత్రికుల సంఖ్య సోమవారం వరకు 4.65 లక్షలకు దాటిదని అమర్​ నాథ్​ క్షేత్ర ట్రస్ట్​ వెల్లడించింది. మంగళవారం 33వ బ్యాచ్​ జమ్మూ నుంచి బయలుదేరిందని స్పష్టం చేసింది. గతేడాది కంటే ఈ యేడాది అమర్​ నాథ్​ ను దర్శించుకున్న వారి సంఖ్యను అధిగమించిందని పేర్కొంది. గతేడాది దర్శించుకున్న వారి సంఖ్య 4.59 లక్షలని వెల్లడించింది.

జమ్మూలోని భగవతి నగర్​ బేస్​ క్యాంపు నుంచి కశ్మీర్​ వ్యాలీకి 1477 మందితో ఓ బృందం బయలుదేరిందని తెలిపింది. తెల్లవారుజామున 3.30 గంటలకు 52 రక్షణ వాహనాల కాన్వాయ్​ ఓ జమ్మూ బేస్​ నుంచి బయలుదేరారని ఆలయ ట్రస్టు స్పష్టం చేసింది. 

1142 మంది పురుషులు, 254 మంది మహిళలు, ముగ్గురు పిల్లలు సహా, 66 మంది సాధువులు, 12మంది సాధ్విలు ఉన్నారని ఆలయ ట్రస్టు అధికారులు తెలిపారు.